धनगढी,१४ माघ २०७६।
धनगढी उपमहानगर पालिका वडा नं. १५ मे भल्मन्सनके वडा अध्यक्ष फुलराम चौधरी सफथ ग्रहण करबइ हए । मंगरके रोज धनगढी वडा नं. १५कि कार्यालय परिसरमे एक कार्यक्रमके बिच सबय भल्मन्सनके संसदिय व्यवस्थाको वैठक प्रणली अनुसार उनके सफथग्रहण करबाइरहए अध्यक्ष चौधरी ।
थारु तथा रानाथारु गाँवमे भल्मन्सा प्रर्था पहिलेसे चलत आओ हए अध्यक्ष चौधरी बताइ “ गाँवको बेंतबेगारी, कचेहरीपात , लडाइझगडा औ मुद्दामामिला मिलान भल्मन्सा करतहएँ । इतका इकल्लो नाए गाँवको अभिभावकत्वको भुमिका फिर भल्मन्सा निभातहए ।
गाँवको नितिनियम बनानसे लैके तिजतिउहार कव काव करन हए औ गाँवको गौटेहरा धरन औ हटान अधिकार भल्मन्साको होतहए ”बताइ अध्यक्ष चौधरी ।

वडा नं. १५ भितरके ८औँ टोलमे एकय दफेर निर्वाचन तथा मनोनित प्रक्रियासे भल्मन्सा निर्वाचीत करिरहएँ । नवनिर्वाचि भल्मन्सनके अध्यक्ष चौधरी खादाऔढाइके बधाइ तथा स्वागत करि कहेसे पुराने भल्मन्सनके सरसम्मन बिदाइ फिर करिकहिके समाजिक परिचालक मनकु चौधरी बताइ ।
नवनिर्वाचित भल्मन्सा उर्मा शान्ति कटानके गाेरे सार्कि , उर्मा कटानसे जनक राम चौधरी , उर्मा उतरपटि पहिलाद राना , उर्मा दखिनपटिसे रामसरण राना , उर्मि गाँवसे मन्त्रि राना , सर्विरान टोलसे चक्र बहादुर चौधरी , सुर्मि औ कनरी गाँवमे जित बहादुर चौधरी भएहएँ ।

नवनिर्वाचित सबय भल्मन्सनको कार्यकालको हार्दिक शुभकामना तथा सहयोग करनबाले सबय वडाबासीनके धन्यवाद दइहए वडा नं. १५ को वडा कार्यालय ।