रानाथारू भाषाको पहिलो वेवसाइट
रानाथारू भाषाको पहिलो वेवसाइट
रानाथारू खबर,
धनगढी , २४ क्वाँर २०७६ । दिबारीके शुभ उपलक्ष्यमे रानाथारू भाषाको पत्रिका उजियारो रानाथारू डटकम तिस्रो अंक प्रकाशन कि तयारीमे । उजियारो रानाथारू डटकम नामक अर्धबार्षिक पत्रिका औ रानाथारू अनलाइन न्युज पोटल बिगत एक बर्षसे आँगनबारी मिडिया प्रा.लि.से प्रकाशित होतआएरहो हए ।
कहत हएँ २१औँ शताब्दि विज्ञान औ प्रविधिको युग हएँ । सुचना प्रबिधिको विकाससे देश औ दुनियाँके बहुत रफ्तारसे बदलत हए पर हमर रानाथारू समुदायमे अभे तक सुचना प्रविधिको महात्व बहुत कम अादमिक पता हए। पढाइमे पछेलोे हमर समुदाय पहिलेसे बहुत बदलाव आवहए पर अन्य समुदाय कि तुलनामे औषतसे बहुत पछेलो हए । स्कुलको किताबी शिक्षा इकल्लो शिक्षा नैया देश दुनियाँ कि खबर पानफिर शिक्षा हए ।
जाके संगय संग हर आदमिको पहिचान स्वभिमानसे जुडो भाषा , सहित्य , कला संस्कृति , परम्परा , रितिरिवाज लगायत गावँठावँमे लुके भए सुचना प्रतिभा ,बिचार , नेतृत्वके उजागर करन हिसाबसे जौन किसीमसको एक अभियानके रूपमे आँगनबारी मिडाया प्रा।लि।से प्रकाशित करतअएरहे हएँ । जा प्रयास एक दिन पुरो रानाथारू समुदायके उजागर करन औ प्रविधिसे जोडन सबके तगडो सहारा बनएगो कहिके हम विश्वास लय हएँ ।
रानाथारू समुदायमे पहिलेसे भाषा प्रबद्धन औ विचार सम्प्रेषण के ताँहि राम राम , लखबारी नामक प्रत्रिका निकारानको प्रयास भव पर कारणबस निरन्तरता ना मिलपाइ । अभय रानाथारू डटकम नमकअनलाइन औ लिखित दस्ताबेजके रूपमे उजियारो रानाथारू डटकम नामक प्रत्रिकामे प्रकाशन करतआएरहे हएँ । हमय पाठक वर्ग , लेखक , विज्ञापनदाता ,प्रत्रिका प्रकाशनमे प्रत्यक्ष औ आप्रत्यक्ष सहयोग करनबाले सबय दादाभइया , दिदीबहिनियँ , आइया दउवा गैर रानाथारू पाठकनके अपेच्छा हए कि तुमसब जनी काे माया अाै सहयोगसे प्रकाशनमे निरन्तरता पाबय ।
और आनियाँ दिनमे फिर तुमहर प्रकानमे सहयोग रहबैगो आशा औ बिश्वास लएहएँ । अनलाइन औ प्रत्रिकामे कोइ किसिमकि तुट्रि हए कहेसे निर्धकके साथ रानाथारू डटकमकाे पेजमे कमेन्ट या ranatharuwa@gmail.com / info@ranatharu.com मे मेलकरके फिर पठाए सकत हाै ।
रानाथारू समुदायकाे एक अच्छाे मिडियाके रूपमे पुराे संग्रह , खाेजमुलक , सन्देश मुलक , संरक्षण करनियाँ साधन बनएके अाै सबयकाे बिचार समेटके प्रकाशन करन हमर उद्देश्य हए । जहेक ताँहि अानबालाे तिस्राे अांकमे तुमह्रू लेख अबय साेचतके साथ दाव भअाे पतामे जरूर अपन लेख,रचना , कथा , कहानी पठाएके सहयाेग करनकि अपेच्छा लएहए ।
हमर पता :
सुदुरपश्चिम प्रदेश, धनगढी उपमहानगर पालिका
वडा नं. ७ देवहरिया गाउँ , कैलाली जिल्ला , नेपाल
सम्पर्क व्यक्ति :
