निबा राना/धनगढी, ०५ कार्तिक । कैलालीक धनगढी उप महानगरपलिका वडा न. १५ उर्मा गाँवमे “हमर ध्यान रानाथारूकाे पहिचान” मुल नाराके साथ दिबारी विशेष संस्कृति कार्यक्रम उज्यारी भाग–७ नाटक (पछताैनाे) २०७९ कातिक ७ गते सुम्मारके राेज संझाके ७ः००बजेसे हुबैया हएँ। जा कार्यक्रम रानाथारू संस्कृति समुह के आयाेजनामे हाेन जाएरहाे हए।

कार्यक्रममे संस्कृतिक झाकी, नाचगान, नाटक, चुट्कीला, गीतगजल प्रस्तुती हाेत आएरहाे हए। विगत आठ वर्षसे हाेत आएरहाे कार्यक्रम जा वर्ष फिर हुबैया हए। कार्यक्रममे सुदुरपश्चिम प्रदेशकी कैलाली, कञ्चनपुर जिल्ला औ उत्तर प्रदेश, भारतसे जा नाटक अवलाेकन करन आत हएँ कहिके संस्थाकी काेषाध्यक्ष अमृता राना बताइ हएँ ।

कार्यक्रम करनकाे खास उदेश्य हमर रानाथारू समाजमे घटत आएरहे घटना जैसिकी छाेटी उमेरमे वेहा करनाे, लागुपदार्थ, मादकपदार्थ सेवन करनाे, चाेरी डकैती, लाैडा–लाैडियामे भेदभाव करनाे जैसे समस्या दिखार्इ पडत हए, जे समस्याके समाधान करन हम जा नाटककी माध्यमसे जनचेतना फैलान काेशिस करत आएरहे हएँ संस्थाके अध्यक्ष राम मिलन राना बताइ हएँ।