कृष्णपुर,२४ कातिक । राष्ट्रिय जनगणना २०७८ कातिक २५ से अगहन ९ गते तक होनबारो जनगणनामे रानाथारु सामुदायमे सचेतिकरण अभियानमे कृष्णपुर नगर पालिकाकी उपप्रमुअ रामिता राना गाउ-गाउ बस्तिमे जएके जाइके सबजनी सहभागी होमए कहिहएँ । बे कहात हएँ , रानाथारुहरुक ताँहि जा जनगणना पहिलो होनसे बहुत महत्वपुर्ण हए ।,

२०७६ साल माघ २० गते हम सुचिकृत भएहएँ, , अव हमर जनगणना अलगय होनपडो कहिके हम माग करे और आज बहे अनुसार हामर जनगणना अलग होनडटो हए । हमर जनगणना अलग होनसे अब हमके राज्यसे थाप अधिकार मागनकी डगर खुलैगी तिहक मारे जनगणना लेन गणक लाेग अमंगे ताै हमके का लिखान पडो कहेसे हमर पहिचान रानाथारु, हामर पुर्खाको भाषा रानाथारु, हमर बोलनियँ भाषा फिर रानाथारु हए और हमर जातिको कोड १२६ हए कहिके जनतनके सचेत कराइहएँ ।,’

कार्यक्रमके सहजी करण आदिवासी जनजाती सुदुरपश्मि प्रदेश महासचिब राजकुमार राना सहजी करण करी रहए । सुचिकृत पच्छु रानाथारुक अलगसे जनगणना होनपडो कहिके सबजनि माग करे और आज रानाथारुको अलगसे जनगणना होनजाएरहोहए । मिर सबय ददाभइया, दिदीवहिनियाँसे अनुरोधहए अपन विवरण सत्य तथ्य भरान मत छुडियो फिर अनुराेध करीहएँ ।
कार्यक्रम रानाथारुक कृष्णपुर नगर पालिकाकी गाउँ बस्तीमे जनगण सचेतिकरण अभियान संचालन करीरहएँ ।