धनगढी,३० क्वार । दिवारीक शुभकामना तथा रानाथारु भलमन्सा सम्मेलन कातिक ५ गते लालझाडी २ कंज गाउमे हुबैया हए ।

शनिचरके रोज नेपाल रानाथारु समाज केन्द्रिय कार्यसमितीक बैठकसे निर्णय भौहए । कैलाली और कञ्चनपुरमे जित्तो रानाथारु गाउँहए बे सबय गाउँके भलमन्सा सम्मेलनमे सहभागी होनपामंगे । सम्मेलनमे आनबारी दिबारीक शुभकामनाके संगय राष्ट्रिय जनगणना २०७८ के बारेम छलफल होबैगो ।

जहे कातिक २५ गतेसे अगहन ९ गते होन जाएरहो राष्ट्रिय जनगणना हमर भग्य और भविष्यको जनगणना फिर हए तहिक मारे जा जनगणनामे सबको सहभागिता कैसे करामए कहिके फिर सम्मेलनको उद्देश्यहए कहिके केन्द्रिय अध्यक्ष कृपाराम राना जानकारी दइहए ।

कार्यक्रम सम्पन्न करन ताँहि उपाध्यक्ष कमल सिह रानाके संयाेजकत्वमे पाँच सदसिय प्रचारप्रसार समिति और काेषाध्यक्ष कन्दकला रानाके संयाेजकत्वमे आर्थिक कमिटि गठन करीहएँ ।