कञ्चनपुर,१० असाेज । शुक्लाफाटा न. पा. ०४ स्थित श्री रामेश्वर शिव मन्दिरमा सागरज्योती रानाथारु युवा क्लब द्वारा “नगरस्तरीय रानाथारु भलमन्सा और अगुवा भेला -२०७८ ” सम्पन्न भएकाे छ । भेला क्लबका अध्यक्ष सतेन्द्र रानाको सभापतित्वमा छलफल कार्यक्रम भएको छ ।

यस कार्यक्रममा प्रमुख अतिथी नेपाल रानाथारु समाजका अध्यक्ष कृपाराम राना विशिष्ट अतिथी शु.न.पा. ०४ का वडा अध्यक्ष ज्ञान बहादुर बिष्ट, शु.न.पा. ०४ का वडा सदस्य शुवचरण राना अतिथी १३ गाउँका भलमन्सा र चाकार (चौकिदार )र स्थानीय गाउँबासिहरुको उपस्तिथिमा कार्यक्रम सम्पन्न भएको हाे ।

कार्यक्रममा असैना , ढँणा , कलुवापुर , कसलौर, बैशख्खा , बनशहा ,काला ,दुबहा, तिलखी पट्टि भुली , झालारी मुक्ति , नौखडी गाउँका भलमन्सा र चाकरको उपस्थिति रहेकाे थियो ।

हाम्रो गणना हाम्रो सहभागीता
देशब्यापी रुपमा संचालन हुने जनगणनामा रानाथारु जाति भाषा बताउन अनिवार्य सहभागिताको लागि “नगरस्तरीय रानाथारु भलमन्सा और अगुवा भेला -२०७८ ” कार्यक्रम गरेकाे बताए युवा क्लबका अध्यक्ष सतेन्द्र रानाले ।