एम.वि राना ,लालझाडी ९ असाेज । कञ्चनपुरको दक्षिणी क्षेत्र लालझाडी गाँउपालिकामा काङ्ग्रेस गाउँ सभापतिमा स्थानीय श्री कृष्ण राना निर्वाचित भएका छन् । नेपाली काङ्ग्रेसको शनिबार लालझाडी गा.पा -३ बल्मीमा सम्पन्न निर्वाचनमा रानाले आफ्ना निकटतम प्रतिस्पर्धी राजेश कुमार रानालाई ३७मतान्तरले हराउँदै लालझाडीकाँग्रेस गाउँ सभापतिमा चयन भएका हुन ।

काँग्रेस कञ्चनपुरका नेता गोपाल गुरुङ्गले कुल ९३ मतदाता मध्ये ९० मत खसेको बताए । १ मत बदर भएको छ । उप सभापतिमा बिर बहादुर विष्ट, लक्ष्मण राना, सचिवमा रामेश विष्ट, निर बहादुर राना, सह सचिवमा शिवनारायाण चौधरी र राम बहादुर चौधरी निर्वाचित भएका छन ।