धनगढीमे ‘पचढकी’ ब्राण्डको साबुन उद्योग स्थापना

धनगढीमे ‘पचढकी’ ब्राण्डको साबुन उद्योग स्थापना

धनगढी, ५ भादाैँ । धनगढीमे पचढकी ब्राण्डको साबुन उद्योग स्थापना भओहए । धनगढी उपमहानगरपालिका वडा नम्वर १३ राजपुरमे पचढकी सोप ईण्डष्ट्रिज प्रालि नामक उद्योग स्थापना भओहए ।
उद्योगमे बहुत आकार,प्रकारमे वासिङ पाउडर, कपडा धोनिय साबुन, नेचुरल हाँदनिय साबुन, दिसवास बार, ह्याण्ड वास और स्याम्पु करके ७ मेलके उत्पादन बजारमे ल्याबैया हए उद्योगके सञ्चालक पदम राना शनिबारके रोज एक कार्यक्रमका बीच जानकारी कराइहएँ ।
बो कार्यक्रममे पूर्व वन तथा वातावरणमन्त्री नारदमुनि राना उद्घाटन करिहएँ । सुदूरपश्चिम प्रदेशभितर उत्पादनमुलक उद्योग स्थापना इकदम कम भओ अवस्थामे आफ्न जन्मभूमि और आफ्न पहिचान देन उद्देश्यलाइके उद्योगको नामयँसेहि पताचलत हए पचढकी धरनको अपनयमे बो ठाँवको पहिचान कराओ जैसो मोके लागत हए संघीय सांसद रानाकहि ।

विज्ञापन