प्रधानमन्त्रीमे शेरबहादुर देउवा शपथ लइहएँ

प्रधानमन्त्रीमे शेरबहादुर देउवा शपथ लइहएँ

काठमाडौं, २९ असार । प्रधानमन्त्री शेरबहादुर देउवा पद तथा गोपनीयताक शपथ लइहएँ । राष्ट्रपति भवन शीतलनिवासमे आयोजित विशेष समारोहके बीच मंगरबार साँझके राष्ट्रपति विद्यादेवी भण्डारी नवनियुक्त प्रधानमन्त्री देउवके पद तथा गोपनीयताक शपथ ग्रहण खबाइ हएँ । राष्ट्रपति भण्डारी आज दुपहारके देउवाके प्रधानमन्त्रीमे नियुक्त करिरहएँ ।
सर्वोच्च अदालत सुम्मारके रोज प्रतिनिधि सभा पुनःस्थापना करके देउवाके प्रधानमन्त्री नियुक्त करन परमादेश दइरहएँ । सर्वोच्चक आदेश अनुसार, राष्ट्रपति भण्डारी नेपालक संविधानक धारा ७६ की उपधारा ५ बमोजिम प्रधानमन्त्री नियुक्त करिहएरा । देउवा पाँचौं दप्फेर प्रधानमन्त्री नियुक्त भए हएँ । जस पहिले बे २०५२, २०५८, २०६१ औ २०७४ मे प्रधानमन्त्री नियुक्त भइडारी हएँ ।

सेयर कर दियो ।
  •  
  •  
  •  
  •  
  •  
  •  
  •  

विज्ञापन