युवाको विकाससे समग्र देशको विकास होबैगो , माननिय नारदमुनि राना

युवाको विकाससे समग्र देशको विकास होबैगो , माननिय नारदमुनि राना

कैलाली , २८ सामन ।

कोविड १९ कोरोना महामारीके कारणसे एक आदमी दुसरेसे बचन समयमे ऐसो महामारी भओबेरामे कोइ भी तिजतिउहार धुमधाम औ आदमी इकट्ठा करके मनान आवस्था नहोनसे नेपाल रानाथारु समाज केन्द्रिय कार्यसमिती जा सालको अट्टमी जुम कन्फ्रेन्स द्वारा अट्टमी विशेष कार्यक्रम २०७७ करके मनान निर्णय करिहए ,

आज सबेरे ८ बजेसे ११ जबे तक रानाथारू डटकमकाे फेसबुक पेससे अट्टमीको शुभकामना लेनदेनको कार्यक्रम भव्यताके साथ निभटो । कार्यक्रमके प्रमुख पहुना संघिय साँसद माननिय नारदमुनि राना रहएँ । बे कार्यक्रमके सम्बोधन करत कहि रानाथारुकी छतुरी तरे सिंगो कैलाली औ कंचनपुर जिल्लामे बैठेभए दादाभइया एक ढिक्का हुइके लागन पडैगो बताइ हएँ ।

अभय रानाथारुको सहभागिता कौनसो निकायमे कितका हए और आनबारो दिनमे जा सहभागिताके बारेम सोचनबारी बात हए , अभय आमनको प्रतिनिधित्व संघमे हए प्रदेशमे हए और स्थानिय तहमे हए सब जनि अपन ठाउसे लागंगे कहेसे काहेन रानाथारुको भलो हुइ हए बाताइ माननिय राना । युवा विना देश अग्गु नबढैगो अाैर समाजाै अग्गु नबढैगो तहिमारे हमर जित्तो फिर युवाहए उनको विकास करन बहुत जरुरी हए बताइ हएँ माननिय राना ।


ऐसीकरके अट्टमीको शुभकामना देत बेलौरी नगर पालिका वडा नं. ८ के वडा अध्यक्ष नन्दकुमार राना कहि कैलाली कंचनपुरके मुलबासी रानाथारु हए । रानाथारु जलजंगल और जमिसे जुडोहोनको कारणसे राज्यको हरेक निकामे हमर हिस्सा होन पडैगो बताइ हए ।

ऐसी करके उत्तरप्रदेश भारतके जिल्ला शिक्षाअधिकारी ओमकार राना अपन सम्पुर्ण भारत बासीके तरफसे जन्मअट्टमीकी शुभकाना दइरहए , बे कहि राजनिक रुपमे नेपाल भारत अलग हुइसकत हए पर संस्कृतिमे एक हए बताइ । एैसीकरके उत्तराखण्ड भारत सितारगंजसे थारु विकास समितिके सदस्य राजेश राना जन्मअट्टमीको शुभकामना दइ रहए ।

शुभकामना देनबारे आदिबासी जानजाती महासंघ सुदुरपश्ञ्मि प्रदेश समितिके महासचिब राजकुमार राना , नेपाल रानाथारु समाजके के.उपाध्यक्ष कमल सिंह राना , निमसत्तर राना गायक कृष्णपुर नगर पालिका,महाविर राना अध्यक्ष कला संस्कृति संरक्षण मञ्च बेला , दुलारे राना सचिब संर्घष समिति कञ्चनपुर , रानाथारु विद्यार्थि समाजके सचिब सरस्वती राना , चेतराज राना घोडसुवासे , शिक्षक शुग्रिब राना लगायत शुभकामना दइरहए ।


कार्यक्रम संस्थाके अध्यक्ष कृपाराम रानाके अध्यक्षतामे सम्पन्न भओ कार्यक्रमके समापन करत अध्यक्ष कहि रानाथारु डटकम ,आँगनबारी मिडिया प्रा.लिको बहुतबडो देन बताइ हए और ऐसीकरके जुम आइडि दइके सहयोग करनबारे नेपाल राष्ट्रिय शिक्षक संगठन सुदुर पश्चिम प्रदेश अध्यक्ष नर बहादुर रावल सर लागयत प्रत्यक्ष और आप्रत्यक्ष सहयोग करनबारे सबयके धन्यवाद दइरहए । स्वागतमन्तव्य उपाध्यक्ष ओमप्रकाश राना दइ रहए और कार्यक्रम संचालन महासचिब भक्तराज राना करीरहएँ ।

विज्ञापन