सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

मनेहरा गाँवमे तीज समापन समराेह कार्यक्रम सम्पन्न

मनेहरा गाँवमे तीज समापन समराेह कार्यक्रम सम्पन्न

निबा राना/ धनगढी, १५ सावन । कैलालीकी धनगढी उपमहा नगरपालिका वडा नं. ७ मनेहरा गाँवमे आज १५ गते आइतबारके दिन रानाथारू महिला दिदीबहिनीयाँकी महान पर्व तीजके उपलक्ष्यमे तीज समापन समराेह कार्यक्रम सम्पन्न भओ हए।

कार्यक्रम ओम भुइया माता युवा मन्चके अयाेजनमे भओ रहए। दिया पजारके कार्यक्रामकी उद्घाटन प्रमुख अतिथी पुर्व वन तथा वातावरण मन्त्री मननीय नारद मुनि राना करि रहए, बे शुभकामना मनतव्य देतए कहिकी सबए सुचिकृत भए जतजाति, धर्म, संस्कृति, रितिरिवजके संरक्षण औ स‌‌वद्धनके ताँही सार्वजानिक विदा देत हए कहेसे सुचिकृत रानाथारूकी महान पर्वमे फिर स्थानीय विदा मिलहए कहिके बताइ हए।

अइसि करके धनगढी उपमहा नगरपलिकाकी उपमेयर,कार्यक्रमकी विशिष्ट अतिथी कन्द कला राना रह्ए, बे काहि धनगढी उपमहा नगरपालिका अभय हरके वडामे निशुल्क स्वस्थय सेवा स‌चालन कररहाे हए तुम सब जनि लाभ लैएसक्त हओ करके बताइ हए ।

और कार्यक्रममे नेपाल रानाथारू समाज केन्द्रके उपाअध्यक्ष कमल सिं राना, धनगढी उपमहा नगरपलिकाके वडा नं.७ के वडा अध्यक्ष माेती रानाथारू,मनेहरा गाँवके भालमन्सा राम कुमार राना, चमरू राना औ भागीराम चाैधरी लगयत समाजसेवी, बुद्वीजेवी गाँवके अगुवाकाे उपस्थित रहए । तीज समापन समाराेह कार्यक्रम रेखा रानाकी सभा पतित्वमे सम्पन भओ हएँ। अाै स‌चालन निवा राना करीरहए ।

अाज तिजकी अन्तिम दिन सावन शुक्ल तृतिय तिथीक दिन रानाथारु दिदीबहिनिया निहार बर्त बैठके पुरी सिमहि पकाएके नदिया वा निवाराेमे जाइके झुडकी पाेहाइके तिजकाे विदाइ करेहए बताइ मनेहरा गाँव बैठनबारी इन्द्रा राना ।

विज्ञापन

Shiv-shambho

Official Music Video