कञ्चनपुर – कञ्चनपुरमा बस दुर्घटना भएको छन । धनगढीबाट महेन्द्रनगर जाँदै गरेको ना ४ ख ७७५५ नम्बरको बस कलुवापुरस्थित बनरामा दुर्घटना हुँदा २९ जना घाइते भएका हुन ।

धनगढीमा नेत्रविक्रम चन्द (विप्लव) नेतृत्वको नेपाल कम्युनिष्ट पार्टीको कार्यक्रममा सहभागि भएर महेन्द्रनगर फर्कदै गर्दा बस दुर्घटनामा परेको जनाइएको छ ।

दुर्घटनामा घाइते भएका मध्ये २ जनाको अवस्था गम्भिर रहेको जिल्ला प्रहरी कार्यालय कञ्चनपुरका प्रवक्ता एवं प्रहरी नायब उपरीक्षक उमेश जोशीले बताए । घटनाको विषयमा विस्तृत विवरण आउन बाँकी रहेको छ ।

घाइतेहरूको अत्तरिया र महेन्द्रनगरस्थित महाकाली अस्पतालमा उपचार भइरहेको प्रहरीले जनाएको छ।