कैलालीको धनगढी उप-महानगरपालिका वडा नं १० स्थित जुगेडा गाउँमा संयुक्त राना जनचेतना परिवारको आयोजनामा जुगेडा कप-२०८१ भलिबल प्रतियोगिता सुरु हुने भएको छ । असोज १ गते देखि ५ गते सम्म जगेडा कप-२०८१ भलिबल प्रतियोगिता हुने भएको छ ।

उक्त प्रतियोगितामा प्रथम पुरस्कार रु. १ लाख १ हजार, दोस्रो पुरस्कार रु. ५५ हजार, त्यसै गरी तेस्रो पुरस्कार रु. २१ हजार रहेको छ । खेल नक आउट मार्फत खेलाइने छ । टिम दर्ता भदौ ३१ गतेसम्म गर्न सकिने छ भने टिम दर्ता शुल्क रु. ३ हजार रहेको छ ।

उक्त प्रतियोगिता राष्ट्रिय तथा अन्तराष्ट्रिय खेलाडीहरु उत्पादन गर्ने उद्देश्यले आयोजना गरिएको छ । प्रतियोगितामा भारतको उत्तराखण्ड, उत्तरप्रदेश र नेपालको विभिन्न प्रदेशबाट खेलाडीहरुको उपस्थिति हुने गरेको छ । यस प्रतियोगिताबाट धेरै स्थानीय खेलाडीहरुको उत्पादन भैरहेको छ भनेर संयुक्त राना जनचेतना परिवारका अध्यक्ष रवि रानाले बताएका छन् ।