सर्बोच्च शिखर सगरमाथाक नयाँ उँचाइ मापन करिहएँ

सर्बोच्च शिखर सगरमाथाक नयाँ उँचाइ मापन  करिहएँ

काठमण्डाैँ,२३ अगहन ।

सर्बोच्च शिखर सगरमाथाक नयाँ उँचाइ आज मङ्गलबार सार्वजनिक भओहए । सगरमाथाक नयाँ उचाइ मापन अनुसार ८८४८.८६ मिटर कायम करिहएँ ।  नेपाल औ चीन बीच बैठी संयुक्त बैठकमे परराष्ट्रमन्त्री प्रदीप ज्ञवाली औ चिनियाँ विदेशमन्त्री वाङ यीक सहभागितामे दुई देशक संयुक्त भर्चुअल समारोहमार्फत सगरमाथाक नयाँ उचाइ सार्वजनिक करिहएँ । 

नेपाल अपन साधन, स्रोत औ जनशक्ति प्रयोग करके पहिलो दप्फेर मापन भओ सगरमाथाक नयाँ उचाइ सार्वजनिक भओहए । दुई वर्ष लगाएके सर्वेक्षणसे प्राप्त विवरण चीनके समकक्षी प्राविधिक तथा निर्देशक समिति तहमे छलफल हुइके सगरमाथाक उचाइ सार्वजनिक करिहएँ । 

चीनके राष्ट्रपति सी चिनफिङ गओ वर्ष नेपाल भ्रमणमे अाओ बेरा सगरमाथाकी उचाइ संयुक्त रूपमे घोषणा करनकी बात कहिरहए । आधुनिक तथा परम्परागत दुनाे विधि अवलम्बन करके सगरमाथाक उचाइ मापन कराेगओहए ।

जासे पहिले भारत सन् १९५४ मे सगरमाथाक उचाइ मापन करिरहए। बाे बखत मापनसे प्राप्त उचाइ आठ हजार आठ सय ४८ मिटरके नेपाल मान्यता दइरहए । सन् १९९९ मे अमेरिकासे औ सन् २००५ मे चीनसे सगरमाथाक उचाइ मापन करिरहएँ ।

अमेरिकाक मापनमे आठ हजार ८५० मिटर उचाइ निकराेरहए कहेसे चीनसे कराे मापन मे आठ हजार ८४४ मिटर रहए । चीनसे भओ मापनमे हिउँके घटाएके चट्टान भागकाे इकल्लाे उचाइ लइरहए । अबखिर हिउँ समेतकाे सगरमाथा मापन कराेगओहए ।  

विज्ञापन