धनगढीमा वडा स्तरीय खुला भलिबल प्रतियोगिता हुने
धनगढी, कैलाली
कैलालीको धनगढी उपमहानगरपालिका वडा नम्बर १५ मा रहेको न्यू भिजन युवा क्लबको आयोजनामा वडा स्तरीय खुला भलिबल प्रतियोगिता आयोजना हुने भएको छ ।
स्थानीय स्तरमा खेलकुदको विकास गर्ने र युवाहरूमा रहेको प्रतिभालाई उजागर गर्ने उद्देश्यका साथ यो प्रतियोगिता सञ्चालन गर्न लागिएको आयोजकले जनाएको छ ।
* सञ्चालन मिति: २०८२ फागुन २७ गतेदेखि ३० गतेसम्म ।
* दर्ता मिति: २०८२ फागुन २६ गतेसम्म ।
* दर्ता शुल्क: रु. १,५००/- (एक हजार पाँच सय मात्र) ।
प्रतियोगितामा उत्कृष्ट प्रदर्शन गर्ने टोलीहरूका लागि आकर्षक पुरस्कारको व्यवस्था गरिएको छ :
* प्रथम पुरस्कार: नगद रु. २१,०००, ट्रफी, मेडल र प्रमाणपत्र।
* द्वितीय पुरस्कार: नगद रु. १३,०००, ट्रफी, मेडल र प्रमाणपत्र।
* तृतीय पुरस्कार: नगद रु. ८,०००, ट्रफी, मेडल र प्रमाणपत्र ।
न्यू भिजन युवा क्लबका अध्यक्ष शिवराज राना, कोषाध्यक्ष विराज राना र सचिव राम सिंह राना लगायतको कार्यसमितिले प्रतियोगितालाई भव्य रूपमा सफल पार्न तयारी तीव्र पारिएको बताएका छन् । आयोजकले आफ्ना वडाका टिमहरूलाई सहभागी गराई खेलकुदको प्रवर्द्धनमा सहयोग गरिदिन समेत अनुरोध गरेको छ ।
थप जानकारी का लागि सम्पर नं. ९७६३८४९५४४ ।
