कञ्चनजंगा यु-१७ फुटबल प्रतियोगिता २०८२ को दोस्रो दिनका खेलहरू आज सम्पन्न भएका छन्। यसदिनका विभिन्न रोमाञ्चक खेलहरूको परिणाम निम्नानुसार रहेका छन्:
१. महाकाली म.वि. र सत्यावती एकेडेमी बीचको खेल
खेलको परिणाममा सत्यावती एकेडेमीले महाकाली म.वि.लाई ४-१ गोल अन्तरले पराजित गर्यो। यस खेलका म्यान अफ दि म्याच आरभ भट्टराई चुनिएका छन्, जसले आफ्नो उत्कृष्ट प्रदर्शनमार्फत टोलीको जितमा महत्वपूर्ण योगदान पुर्याए।
दुर्गालक्ष्मी मोडल र होलिल्यान्ड एकेडेमी बीचको खेल
यो खेल एकदमै रोचक भएको थियो। निर्धारित समयसम्म कुनै गोल नगरी खेल ०-० को बराबरीमा समाप्त भयो। त्यसपछि, पेनाल्टी शूटआउटमा दुर्गालक्ष्मी मोडलले ४-३ गोलको अन्तरले जित हासिल गर्यो। पेनाल्टी शूटआउटमा उत्कृष्ट प्रदर्शनका लागि म्यान अफ दि म्याच दिपक अधिकारी घोषित भए।
साधारण म.वि. र नन्द म.वि. बीचको खेल
यो खेल साधारण म.वि.को १-० गोलको जितसँगै सम्पन्न भएको छ। पवन कुमार चन्दले उत्कृष्ट प्रदर्शन गर्दै म्यान अफ दि म्याचको सम्मान प्राप्त गरे।
सरस्वती म.वि. वाणी र एभरेस्ट स्कुल बीचको खेल
निर्धारित समयमा एभरेस्ट स्कुलको टिम प्रतियोगितामा सहभागी हुन नआएको कारण, सरस्वती म.वि. वाणीले संवत: क्वाटर फाइनलमा स्थान पाएको छ। यस खेलको कुनै प्रतिस्पर्धा नभए पनि सरस्वती म.वि. वाणीलाई अग्रिम चरणमा पुग्ने मौका मिल्यो।
भोलि ९ गते (बिहान १० बजे)देखि क्वाटर फाइनलका ४ खेलहरू हुनेछन्।
