धनगढी , २२ चैत । नेपाल सरकार २०७७ सालकी सार्वजनिक विदाक सूची सार्वजनिक करीहए । बो सूचीअनुसार २०७७ सालमे दशमिक टीका कातिक १० गते औ दिवारी अगहन १ गते पडिहए ।

नेपाल सरकार २०७७ सालकी सार्वजनिक विदाक सूची नेपाल राजपत्रमे प्रकाशित करिहए । २०७७ सालमे वर्षभर ५२ शनिबार पडेहएँ । शनिचरके रोज देशभरके नेपाली पानियाँ साप्ताहिक विदा हए ।

ऐसीकरके वर्षभरमे ५२ सनिचर, ५ दिन दशमीक,३ दिन दिबारिके औ अन्य विदा सात दिन करके जम्मा ६७ दिन नेपालभर सार्वजनिक विदा होबैगो ।
जहेके संग रानाथारुनको कौन तिउहार कबपडत हए ?
धर्मसंस्कृतिके अनुसार तिउहारमे नेपाल सकारसे दओगओ सर्वजनिक विदा औ पर्व बाहेक रानाथारुनके तिउहारके बारेम अनलाइन मार्फतको छलफल अनुसार ।
अनलाइन मार्फत सबयनके क्यालेन्डर पठाएगओ रहए । क्यालेन्डरमे उल्लेख भइ तिथिमितीमे सम्बन्धित ब्यक्तिनसे छलफल करके फेरबदल करन हए कहेसे कमेन्ट या फोन मार्फत पठैयो फिर कहो गओ रहए ।
अनलाइन छलफल अनुसार चराँइ तिउहमर उजियारीको पहिलो सुम्मारके रोज या विस्पतके रोज करोजात हए कहेसे बैशाख कि चराई कब पडी ? जासे पहिल,२०७६ सालमे चैती चराँइ कब भइ ( सुम्मारके रोज भइ कहेसे बैशख्खी चराँइ बिस्पतके रोज औ चैती चराँइ बिस्पतके रोज भइ कहेसे बैशख्खी चराँइ सुम्मारके ) बहेके अधारमानके चराँइ करोजात हएँ ।
चराँइ तिउहार तिन अफ्फेर मनातहएँ पहिलो चैती चराँइ २०७७ सालकि चैतीचराँइ २०७८ बैशाख २ गते पडैगी, ऐसीकरके २०७७ सालमे बैशख्खी चराँइ बैशाख महिनाके १५ गते पडीहए औ भजनी चराँइ जेठ १५ गते पडन जाइरहीहए । भजनी चराँइ सब गाँवमे नहोतहए ।
घरपुजा , भुमिपुजा, बर्षिपुजा अपन धर्मसंस्कार अनुसार उजियारीके ततमहिनाके इतबार ,सुम्मार, बुध औ विस्पतके रोज शुभदनि मानके पुजाकरत हएँ । व्याहाविद इतबार औ विस्पतके रोज शुभदिन मानत हएँ । खासकरके व्याहा दुइपखिया व्याहा बहुत शुभ औ सकट व्याहामे दोष मानत हएँ ।व्याहा माहा औ बैशाषके महिनामे करत हएँ कहेसे मगनी जेठ महिनामे करत हएँ ।
घडा क्वार औ कातिक महिनाके अँपधियारीमे इतबार औ बुधके रोज शुभमानो जात हए ।
तिज नागपञ्चमी पर्वके दुइदिन अग्गुको तिथीक कोइ फिर दिनमे करसकत हौ कहेसे २०७७ सालमे तिज सामन महिनाक ८ गते औ डकहर नागपञ्चमीके पञ्चमी तिथीके दिन खेलतहएँ ।
असाडिपुजा, भुमिपुजा पंचाङगकि तिथीअनुसारमे हि करन असाड ११ गते , दिउतामे मट्टिलगान घटस्थापनाके दिन औ दिवालो उजियारीको पहिलो सुम्मार औ विस्पतके रोज करन कहेसे २०७७ मे कातिक ३ गते पडोहए दिवालो ।
विनाइतबार भादौमहिना कि उजियारीको पहिलो इतबारके रोज जा बर्ष भादौ ७ गते पडरहोहए । २०७७ सालकि होरी धरन फागुन १५ गते औ होरीको टिका चैत १५ गते कहेसे ख्खडेहरा चैत २३ गतेके दिन पडोहए ।
सहयोगी संस्था : रानाथारु डटकमको पहलमे नेपाल रानाथारु समाज केन्द्रिय कार्यसमिती , रानाथारु उत्थन तथा समन्वय मञ्च पुनरवास , रानाथारु संर्घष समिती , रानाकला संरक्षण तथा विकास मञ्च राजपुर , नब ज्योति सहकारी संस्था लि .धनगढी, दाइजो कृषि सहकारी संस्था लि. धनगढी,औ बह्राराणा समिती उत्तरप्रदेशके सहकार्यमे तयार करोभओ क्यालेन्डर ही अन्तिम नहए अपन गाँव समाजको निर्णय अनुसार करनको सुझाब हए । हरेक जातजातीनको अपन रितीतिथी अनुसार तिजतिउहार मनातहएँ बहेमारे रानाथारुमे फिर एकसंग तिउहार मनामयँ कहनको एक प्रयास हए । सकभर जहेक मानके जामयँ हमर सबसे अनुरोधहए । कोइतिजतिउहाह छुटोहए कोइचिजके समेतनमे छुटोहए कहेसे सुझाब दइसकत हौ । सुझाबके ताँही कमेन्ट बक्समे या ranatharuwa@gmail मे पठासकत हौ । २०७७ साल सबयको मंगल रहए ।

२०७६चैत २७ गते रानाथारुको तिथीअनुासर बैशाख महिना शुरु

बैशाख महिना
१५ गते चराँइँ
२६ गते से जेठ महिना शुर
पोया पुजा, भौरा – उजियारीमे
जेठ महिना
१२ गते भजनी चराँइ
१९ गते बेहणा मेला
२३ गते जेठ कि पुर्णिमासि
२४ गते असार महिना शुरु
असार महिना
११ गते असारी पुजा
२२ सामन महिना शुरु स.( सामनको डोला डरन दिन )
सावन महिना
८ गते रानाथारुन कि तिज
१० गते डकहर
२० गते भादौको महिना शुरु
२७ गते श्रीकृष्ण जन्मअष्मी
भादौ महिना
७ गते बिना इतबार
१८ गतेसे क्वाँर महिना शुरु
२१,२४,२८,३१ गते घाडाके दिन

क्वाँर महिना
२ गते से अधिकमास (क्वाँर कि उजियारी ) शुरु
१५ गते क्वाँर कि पुर्णमासि
१६ गतेसे कातिक महिना शुरु ( कातिक कि अँधियारी )
३० गते अधिकमास समाप्त
कातिक महिना
१ गते दिउतामे मट्टि लगान दिन कातिक कि उजियारी
३ गते दिबालो
१५ गते कातिक कि अँधियारी ( कातिक महिना शुरु )
३० गते कातिक कि पुर्णमासि
अगहन महिना
१ गते दिवारी
१६ गते अगन महिना शुरु
पुस महिना
१६ गते से पुस महिना शुरु ( पुछैसो शुरु )
माघ महिना
१५ गते पुस कि पुर्णमासि ( पुस महिना समाप्त) व्याहा के लगुन शुरु
१६ गते से माघ महिना शुरु
१८ गते सकट बरत
फागुन महिना
१५ गते माघ कि पुर्णमासि ( माघ महिना समाप्त ) होरी धरन
१६ गते फागुन महिना शुरु
चैत महिना
१५ गते फागु पुर्णिमा होरी टिका तिउहार
१६ गते से चैत महिना शुरु
२३ गते खखडेहरा
चैत कि चराँइ २०७८ साल बैषाख २ गते होबैगी