नन्दलाल राना/पुर्नवास ।
कञ्चपुरको पुर्नवास नगर पालिका स्तरिय रानाथारु उत्थान तथा समन्वय मञ्चकी आयोजनामे दिवारी २०८० क अवसर में शुभकामना आदनप्रदान कार्यक्रम निभटो । कार्यक्रमके प्रमुख पहुना पुर्व वन तथा वातावरण मन्त्री माननिय नारदमुनि राना रहएँ ।

रानाथारु जाति आदिवासी जनजाती मे सुचिकृत हुइगए हए पर थप अधिकारके ताँहि अभय संर्घष करन बाँकि हए । अभयक स्थानिय तह कहनसे अपनयमे एक सरकार हए जौन स्थानिय तहमे हमर जनप्रतिनिधि जिते हए उनको महात्वपुर्ण काम हए समाजके डुरियान । भलमन्सा व्यवस्थापन करन पधना और भलमन्सा प्रथाके मिलाएके एक रुपता करके लैजान हए कहिके जोडदै हए पुर्व मन्त्री राना ।

कार्यक्रमके विश्ष्टि पहुना धनगढी उपमहानगर पालिकाकी उपप्रमुख कन्दकला राना कहिँ , “रानाथारुक जातिय संस्था नेपाल रानाथारु समाज हए जा संस्था समन्वयकारी भुमिका ननिभय पाएरहो और जक समय अवधि फिर निभट गइ हए कहेसे पुनः नयाँ समिति गठन करनपडो, धनगढी नगर पालिकासे होन बारो सहयो मय करंगो और पालिकासे फिर सहयोग करन तयार हए कहेसे हम काहे न करएँ कहिके बताई ।”,
पुर्नवास नगर पालिकाकी उपप्रमुख भुलिया राना काहि,“ रानाथारु समाज कितय जएरहे हए आपन संस्कृति बचानकी बात करत पर समाजके मनै भलमन्साक कहना नाए मानरहे हए कहेसे हमर समाजमे कैसे सुधार आबैगो बताई रहएँ ।”, अइसी करके कृष्णपुर नगर पालिकाकी उपप्रमुख द्रोपती राना सबय दिदीबहिया और ददाभइयनके दिबारीक शुभकामना दइरहएँ ।

कार्यक्रमको शुभकामना देनबारे पहुना लालझाडी गा.पाके पुर्व अध्यक्ष मदनसेन वडायक, नेपाल रानाथारु समाजके उपाध्यक्ष कमल सिंह राना, ओमप्रकाश राना, महासचिब , रानाकाला संस्कृति तथा विकास मञ्चके अध्यक्ष नरायण राना लगायत बहुत गाउके भलमन्सा रहएँ ।
कार्यक्रम संस्थाके अध्यक्ष फुल्लन राना सभापतित्वमे भओ रहए कहेसे स्वागत मन्तव्य पुर्व अध्यक्ष धोखे राना दइ रहए और कार्यक्रमके संचालन तिर्थराज राना करिरहएँ ।