धुमधाम से मनाए रहे हैं महाशिबरात्री

धुमधाम से मनाए रहे हैं महाशिबरात्री

धनगढी , ९ फागुन

संवाददाता ः नरायणा राना

हिन्दुनको एक खास त्युहार माहाशिवरात्री नेपालमे धुमधाम से मनाओ कर्त हैं । नेपालके शिवधाम, शिवमन्दिर मे बहुत से जगहामे मेला फिर लगे कर्त हैं जा दिन, जहे पर्वके अवसरमे नेपाल सरकार आज छुट्टि करि हए । हिन्दु शास्त्र अनुसार खासमे समुन्द्र मन्थन से निकरो बिस खतम करन ताहिं शिव भगवान बिस चूसके समन्द्रको पानी सुद्द करेक खुसिमे जा त्युहार माननको परम्परा हए । बीस चूसत पेति संकर भगवानकि नट्टी नीली हुइगै रहए तभिमारे उनसे निलकण्ठ फिर कहोजात हए। ऐसिए रानाथारु समुदायमे फिर जा त्युहार मेलाके रुपमे मनाओ जात हए । आजके दिन हमर रानाथारु के दिभरियाको जखौर ताल, शिबपुरी धाम, पिपरियाको शिबमन्दिर, नौंरङ्गा, इटहा लगायत तमान ठाउंमे मेला धुमधाम से लगेपडे हैं । ऐसिए पिपरियामे बिबिध साँस्कृतिक झाँकी, नाचगान सहित को ब्यापारिक साँस्कृतिक मेला लगो पडो हए, जा मेला बहुत पहिलिएसे सालको ३ दिन तक लगो कर्त हए कहिके मेला ब्यबस्थापन समितीके अध्यक्ष रामकिसन राना बताइ हैं ।

shivratri mela-1
shivratri mela-2

विज्ञापन