रानाथारू संघर्ष समिती द्वारा माघ २० गतेक सरकारकाे निर्णयक विज्ञप्ती माफर्त हार्दिक स्वागत करिहए

रानाथारू संघर्ष समिती द्वारा माघ २० गतेक सरकारकाे निर्णयक विज्ञप्ती माफर्त हार्दिक स्वागत करिहए

कञ्चनपुर , ४ फागुन २०७६ ।

रानाथारु संघर्ष समिती कञ्चनपुर कैलालीक अध्यक्ष सागर रानाके अध्यक्षतामे बैठी रहए । बैठको निर्णय अनुसार अध्यक्ष सागर राना द्वारा हस्तलिखित विज्ञप्ती मार्फत कहोगओ हए रानाथारु संघर्ष समिती कञ्चनपुर कैलालीक रानाथारु समुदायको हकहित संरक्षणके ताँहि पहरेदार संगठनके रुपमे सबयके जगजाहेरए हए । नेपाल अधिराज्यक सुदुरपश्मि प्रदेशके कञ्चनपुर औ कैलाली जिल्लामे मात्र आदिमकालसे बसोबास करत पृथक भाषा ,सांस्कृति ,भेषभुषाके धनि रानाथारु अभय तक नेपालके मुल आदिबासी जनजातीक रुपमे समाहित नहुइपाइ रहए जा एक बहुतबडो विडम्बना रहए । जहे समस्याके प्रमुख मुद्घाके रुपमे विगत दश बर्षसे पहिचानके ताँहि निरन्तर संघर्ष करत आएरहो संगठन मैसे रानाथारु संघर्ष समिती फिर एक हए ।
हाल नेपाल सरकार द्वारा माघ २० गते बैठी मन्त्रिपरिषदकी बैठकसे माघ २३ गते रानाथारु समुदायके आदिबासी जनजातीमे सुचिकृतक करिहए । संघर्ष समितीको प्रमुख एजेण्डाके रुपमे रहो रानाथारु सुचिकरण सम्बोधन होनसे जा समिती लगाएत रानाथारु समुदाय बहुत हर्ष उल्लासमय भओ हए । साथय सरकारको जा कदमको संघर्ष समिती हार्दिक स्वागत करतहए कहो गओ हए विज्ञप्तीमे । औ जहु कहि हएँ जा कार्यमे सहयोग करनबाले प्रत्यक्ष औ अप्रत्पयक्ष रुपमे सहायोग करनबाले सबय सहयोगि हातनके , राजनितीक दल , संघसंस्था , समाजसेवी , शिक्षक , बुद्विजिबी , ऐयादउवा , दिदीबहिनियाँ सबयके सम्बन्धित सरोकारबाला निकाए एबम् पत्रकारमे आभार प्रकट करतहए । आगबारो दिनमे काँधमे काँधमिलाएके सल्लाह सुझाब औ सहयोगको अपेक्षा करतय जा बिज्ञप्ती जारी करेहए बताइ हएँ ।
सागर राना
अध्यक्ष
रानाथारु संघर्षस समिती कञ्चनपुर कैलाली

सेयर कर दियो ।
  •  
  •  
  •  
  •  
  •  
  •  
  •  

विज्ञापन