ठेकराज मा. वि. घोडसुवा मे वि. ब्य. स. सदस्य छनौट

धनगढी , २ फागुन

धनगढी उपमहानगर पालिका वार्ड नं ११ मे स्थित श्री ठेकराज मा. वि. घोडसुवा मे वि. ब्य. स. सदस्य छनौट सौहार्दपुर्ण बाताबरण मे भओहए । शिक्षा प्रेमी औ समाज सेवि मनिराज पन्त ज्यूकेअध्यक्षतामे अभिभावक भेला भौ रहए। शिक्षा ऐन २०२८ ( आठौं संसोधिन ) दफा१२ को उपदफा १ को खण्ड क बमोजिम बिद्यालय ब्यबस्थापन समितिमे २ महिला सहित ४ जना निर्बिरोध छनौट भए हएं। पुरुष मे रघुनाथ राना ,हुकुम बिस्ट औ महिलामे कल्पना खडायत , जानकी बिक हएँ। ऐसि शिक्षक अभिभावक संघ मे ८ जना चएन भए हएँ। बिध्यालएके प्रधानाध्यापक रामचन्द्र ओझा बिद्यालय के बारेमे जानकारी देतए बि. ब्य. स. औ शिक्षक अभिभावक संघ के सबए सदस्यक बधाइ औ धन्यबाद दैरहएँ। कार्यक्रम संचालन शिक्षक भक्तराज राना करिरहएँ।