दलित महिला अधिकार मंचद्धारा कोभिड प्रभावितहरुलाई पोषण स्वास्थ्य सामाग्री हस्तान्तरण

दलित महिला अधिकार मंचद्धारा कोभिड प्रभावितहरुलाई पोषण  स्वास्थ्य सामाग्री हस्तान्तरण

कैलारी, ५ सावन ।दलित महिला अधिकार मंच नेपालले कैलारी गाउँपालिकाका कोभिड प्रभावितहरुका लागि पोषण स्वास्थ्य सामग्री हस्तान्तरण गरेको छ ।

डि.सी.ए.को सहयोगमा दलित महिला अधिकार मंच नेपालद्धारा संचालित आधार परियोजना अन्र्तगत अति बिपन्न कोभिड प्रभावितहरुको पोषण तथा स्वास्थ्यमा सुधारका साथै कोभिड जोखिम रोकथाम तथा नियन्त्रणमा सहयोग पुगोस भन्ने उद्घेश्यले उक्त सामाग्री हस्तान्तरण गरिएको संस्थाका राजेन्द्र रैकाले जानकारी गराउनु भयो ।

उक्त सामाग्रीहरु एक कार्यक्रमका विच दलित महिला अधिकार मंच नेपालका राजेन्द्र रैकाले कैलारी गाउँपालिकाकी उपाध्यक्ष लक्ष्मी सत्गौवा थारुलाई हस्तान्तरण गर्नुभएको थियो । कार्यक्रममा कैलारी गाउँपालिकाका प्रवक्ता कमल प्रसाद चौधरी,प्रमुख प्रशासकिय अधिकृत खगेन्द्र जोशी,सामाजिक शाखा प्रमुख यगम कलेल र स्वास्थ्य शाखा प्रमुख बिरेन्द्र सापकोटा, दलित महिला अधिकार मंच नेपालका जनक भूल,भीष्म चौधरी लगायतको सहभागीता थियो ।

५० जना कोभिड प्रभावितहरुका लागि हस्तान्तरण गरिएको पोषण स्वास्थ सामाग्रीहरुमा पल्सअक्सोमिटर ५० पिस,थर्मामिटर ५० पिस,टिस्युपेपर ५० पिस,सेनिटरी प्याड १७ प्याकेट,सेनिटाईजर ५० पिस,टर्चलाईट ५० पिस,ग्लोब्स ४५ पिस,हर्लिक्स ५० पिस,काजु ५०पिस,राजमा ५० किलो,च्यवनप्रास ५० किलो,अालमोण्ड ५० प्याकेट,चिकेन सुप ५० प्याकेट रहेको छ ।

सेयर कर दियो ।
  •  
  •  
  •  
  •  
  •  
  •  
  •  

विज्ञापन