नेकपा एमालेक उपाध्यक्ष भीम रावल प्रतिनिधि सभा सदस्यसे राजीनामा

नेकपा एमालेक उपाध्यक्ष भीम रावल प्रतिनिधि सभा सदस्यसे राजीनामा

काठमाण्डाैँ , ३ सामन । नेकपा एमालेक उपाध्यक्ष भीम रावल प्रतिनिधि सभा सदस्यसे राजीनामा दइहएँ । बे अछाम जिल्लासे नेकपा एमालेक सांसद पदमे प्रत्यक्ष निर्वाचित रहँए । रावल अनैतिक राजनीतिक खेलमे सहभागि नहुने बताए ।
मय जा अनैतिक राजनीतिक खेलसे अलग होन ताँहि राजीनमा दओ हौँ । सिंहदरबार स्थित संसद सचिवालयमे रावलकहि ।
इतबारके रोज प्रतिनिधि सभा बैठक बैठनसे अग्गु रावल राजीनामा दइहएँ । इतबारके दिन प्रधानमन्त्री शेरबहादुर देउवा प्रतिनिधि सभासे विश्वासको मत लिनकी कार्यसूची हए । माओवादी केन्द्र, जसपाके उपेन्द्र यादव पक्ष देउवाके विश्वासको मत देनके निर्णय करिहए ।
ऐसीकरके एमाले विश्वासको मत नदेनकी निर्णय करिहए । पर, वरिष्ठ नेता माधवकुमार नेपाल पक्षके कुछ सांसद विश्वासको मत देनकी बताबताइहएँ ।

विज्ञापन