एम.वि. राना लालझाडी,१ सामन।
सामनको महिना संगय रानाथारु सामुदायमे तिजको रौनक छान लागत हए । रानाथारु सामुदायको दोस्रो बडो तिउहार तिज हए । जा सालकी तिज सामनकी उजियारीक तृतिय तिथीक दिन २७ गते पडिहए ।

रानाथारु सामुदायको भाषाकला संस्कृति संरक्षण और सम्बद्घन करन उद्देश्यसे लालझाडी गाउपालिका वडा नं. ६ चान्देव गाउमे सामनको डोला डारीहएँ । सामनडोला एक कार्यक्रमके विच समउदघाटन करिहएँ । सामनडोला कार्यक्रमके प्रमुख पहुना लालझाडी गाउपालिका ६ के वडा अध्यक्ष फुलाराम राना रहएँ ।

सामनडोला डोलके उदघाटन करिरहएँ और कार्यक्रमके संबोधन करत कहि अपन भाषाके संरक्षण और सम्बद्घन करन पडो जे हमर संस्कृतक गहना हए बताइ और सामनडोला तथा रानाथारु दिदीवहिनीयँनको तिउहारको हार्दिक शुभकामना दइरहएँ । कार्यक्रम पुरानो भलमन्सा रामबहादुर रानाके सभापतित्वमे भारह कार्यक्रमके विश्ष्टि अतिथी वडा सदस्य पच्चुलाल राना रहएँ । कार्यक्रम श्यामलाल राना संचालन करिरहएँ ।