शुक्लाफाँटा,३ असाड ।
कञ्चनपुरको शुक्लाफाँटा नगरपालिका वडा नं. ४ असैना गाँवमे असाडी पुजा निभटो हए । रानाथारु सामुदायमे असाडी पुजाके दिनसे भलमन्सा , चाकर और गौटेहरा भर्रा चयन करत हएँ ।

बहे अबसरमे असैना गाँवमे भलमन्सा मिट्ठु रानाके संयोजकत्वमे पाँच सदसिय भलमन्सा संघर्ष समिति चयन करिहएँ । ऐसिकरके सदस्यमे महदेव राना,दानी राना,गंगाराम राना,सुग्रिब राना हएँ ।
ऐसीकरके चाकरमे मुकेश ( गुड्डु ) रानाके चयन करिहएँ कहेसे गौटेहरा भर्रामे दर्शु रानाके चयन करेहएँ कहिके जानकारी कराइहएँ श्री रानाथारु युवा शक्ति क्लबके सल्लहाकार अनिल राना ।

एक प्रश्नकी जवाफमे राना कहि,“रानाथारुको असाडी पुजा असाड २८ गते पडो हए पर हमर गाँवके बडेबुढेकि सल्लाह अनुसार असाडी पुजा करके तबहि खेतीपाती शुरु करत हए तवहिक मारे हमर गाँवमे आज असाडी पुजा निभटाए हएँ और कलसे खेतीपाति धान रोपाई शुरु होबैगी” बताइ राना ।