सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

चर्चा उपर परिचर्चा कौन हए नारदमुनि राना , रानाथारु सामुदायमे खुशीको लहर

चर्चा उपर परिचर्चा कौन हए नारदमुनि राना , रानाथारु सामुदायमे खुशीको लहर

धनगढी,२८ जेठ ।

कैलाली और कञ्चनपुरके मुख्य आदिवासीके रुपमे परिचित रानाथारु समुदाय सदियौसे बैठत आएरहे हए । भारतमे राजकारनबालो बृटिस सरकार कैलाली ,कञ्चनपुर,बाँके और बर्दिया चार जिल्ला फिर्ता करनपेति आधी जनसंख्या भारतको उत्तरप्रदेश और उत्तराखण्डमे रहिगए ।

रानाथारु सामुदायिको मुख्यभाषा रानाथारु भाषा हए र जा भाषा हिन्दीसे मेलखानबारो भाषाबोलनसे पञ्चायत कालमे भारतिय बताएके नागरिकता फिर देन हिच्किचात रहएँ । नेपाल सरकारको मन्त्रिपरिषसे २०७६माघ २० गते रानाथारु सामुदायके आदिबासी जनजातिमे सचिकृत करि और आज नेपाली प्रशासन आज बहे समुदायसे देश भरको प्रशासन चलानवालो मन्त्रिके रुपमे नियुक्त करिहएँ ।

नेपालएकि आदिवासी भुमिपुत्र हुइके फिर नेपाली प्रशासन और पहुँचवालेसे अपहेलित जा समुदाय गणतन्त्र नेपालको पहिलो निर्बाचित और देशको उच्च पदमे पुगनवाले भाग्यमानी नेता बने हएँ माननीय नारदमुनी राना ।

कौनहए नारदमुनि राना
वि.स. २०२९ मे अइया सुदामा देवि राना और दउवा स्व. रत्ति राम रानाथारुको बडो लौंडा धनगढी उ.म.न.पा. ८, धनगढी गाँवमे जन्मे नारदमुनि राना बचपनमे सुवेरेसे आँहा तातत् करत खेत जोतके स्कुल जात रहएँ ।

समान्य किसान परिवारमे जन्मे राना राजनीतिशास्त्रमे स्नातकोत्तर सम्मकि औपचारिक पढाई करि हएँ । जासे अलवा राना कानुनमे फिर स्नातक सम्मकि पढाई करि हएँ । रानाथारु सामुदायमे पहिलो कानुनको विद्यार्थी हएँ । राना क्याम्पस पढन उमरएसे वि.स. २०४५ से कम्युनिस्ट पार्टिसे प्रत्यक्ष राजनीतिमे लगे हएँ ।
विद्यार्थी राजनीति संगए वि.स.२०५४ मे बे धनगढी नगरपालिकाके उपमेयरमे निर्बाचित भए रहएँ । बुस पछ्छु वि.स. २०६४ मे समानुपातिक घेनसे सभासद बनेरहएँ । वि.स. २०७४ कि चुनावमे प्रत्यक्ष उम्मेदवार हुइके बहुत मजबुत कहनवाली पुर्व प्रधानमन्त्रि पत्नी आरजु देउवाके लगभग ५ हजार मतसे पछछु पारके राना बिजय भए रहएँ ।
९ वर्ष शिवनगर खानेपानी, ९ महिना सेती अञ्चल अस्पतालकि अध्यक्ष भए समयसे विकास प्रेमीके रुपमे परिचित युवा नेता नारदमुनी राना सुदुरपश्चिमएके प्रभावशाली नेता मानेजात हएँ । चुनाव पश्चात् मन्त्रिमण्डल गठनकि बेला घरीघरी राना मन्त्रि बनन् चर्चा इकल्लो चलत आओ रहए ।

अबखिर विघटित संसदकी मन्त्रिमण्डलमे बिनको भाग्य खुलो हए । प्रधानमन्त्री केपि ओलि निकट माननवाले राना सरकारकी वन मन्त्रालयकि जिम्मेवारी सम्हारी हएँ । राना समुदायसे बे ३५ साल पच्छु मन्त्री बनन डटे हएँ । वि.स. २०३८ सालमे राष्ट्रिय पञ्चायत सदस्यमे मनोनित लबरु राना थारु वि.स. २०४२ सालमे भुमिसुधार राज्य मन्त्री भए रहएँ । राज्य मन्त्री बाहेक अभेतक राना समुदायसे कोइ फिर पुर्ण मन्त्री न भए हएँ ।

जहु पढौँ


रानाथारु सामुदायमे खुशीको लहर


नेपाल रानाथारु समाज केन्द्रिय कार्यसमितीके अध्यक्ष तथा संविधान सदस्य कृपाराम राना शुभकामना दइहएँ । प्रधानमन्त्रि केपि शर्मा ओली ७ मन्त्रि और एक राज्यमन्त्रिक सफत खबाइहए विनमैसे कैलालीसे निर्वाचित नारदमुनि रानाके वन तथा बतावण मन्त्रिकमे नियुक्त करिहए । “नेपाल सरकार तथा नव नियुक्त वन तथा बातावारण मन्त्रालयकी मुख्य जिम्मेवारी समारनबाले मा. मन्त्री नारदमुनिरानाके केन्द्रिय कार्यसमिती तथा सम्पुर्ण रानाथारु सामुदायकी तर्फसे सफल कार्यकालको शुभकामना दइहएँ ।”, शुभकामना देन क्रममे अध्यक्ष राना कहि “संघियलोकतन्त्र गणतन्त्र स्थापना पच्छु कैलाली कञ्चनपुरमे बासोबास करनबालो आदीवासी रानाथारु सामुदायकी तर्फसे पहिलो मन्त्रि बननमे सफल होनसे सबय रानाथारु जनसामुदाय खुशी और उत्साहित भएहएँ बताइहएँ । जा से सामुदायको थप हक अधिकार और पहिचानको संरक्षण होतय स्थापित हुइहए कहिके मय विश्वास्थ हौँ बताइ अध्यक्ष राना ।”