धनगढी,१५ जेठ ।
आर्थिक वर्ष २०७८/७९ के ताँहि आयव्यय विवरण प्रस्तुत करत अर्थमन्त्री विष्णुप्रसाद पौडल वृद्धभत्ता लगायत सामाजिक सुरक्षा भत्तामे परिमार्जन करोहौ कहिके जानकारी दइहएँ । जक ताँहि १ खर्ब रुपैया विनियोजन करोहौ कहिके बताइहएँ ।
राष्ट्रिय परिचय पत्र और पञ्जीकरण विभागके तथ्यांक अनुसार देशभरमे रहे ३२ लाख ५८ हजार १ सय २९ जनैके सामाजिक सुरक्षा भत्ता लेतआए रहेहएँ । आर्थिक बर्ष २०५१/५२ सालमे नेकपा एमालेक तत्कालीन अर्थमन्त्री भरतमोहन अधिकारीसे एक सय रुपैयाँक दरसे बृद्धभत्ता देन सुरु करिरहए ।