अनलाइन होरी गित प्रतियोगिता २०७७ रानाथारु उत्थान समन्वय मञ्च पुनर्वस , कंचानपुरसे आयोजना करिहए । प्रतियोगितामे प्रथम,दिृतिय , तितृय और सनतोना करके ६ जनि – प्रथम, कौशिल्या राना,दृतिय लक्ष्मी राना ,तृतिय सिता राना सन्तोनामे श्यामा राना सितादेवी राना ,लालबहादुर राना) के आयोजकसे नगद तथा प्रमाण पत्रसे सम्मान करोजाबैगो कहेसे ,

थप ५ जनि जानैन टप १० भितर पडे हाएँ बे प्रतियोगि ( आनुशिया राना प्र.नि.– १ ,अमर सिंह राना प्र.नि.–३६ ,फुलसोहत्तर राना प्र.नि.– ४३, उमा राना प्र.नि.– ५१,और राधेश्याम प्र.नि.– २३ ) के मनकारी, कृष्ण मा.वि. कि शिक्षक , पु.न.पा. १ पुरैनाकी बासमति राना नगदसे सम्मान करैया हएँ ,

ऐसी करके छोटी गायकके रुपमे सरस्वती राना , अरुसी रानाके आयोजकके सचिब तथा नागरिक ऋण तथा बचत सहकारीके व्यवस्थापक तिर्थराज राना उनके नगदसे सम्मान करैया हएँ और प्रतियोगितामे प्रथम,दिृतिय और तृतिय भए प्रतियोगिनके थप अपन व्यक्तिगत तर्फसे फिर नगदसे सम्मान करैया हए , मनकारी पोलिटेक्नीके संचालक, नागरीक बचत तथा ऋण सहकारीसे अध्यक्ष और आयोजकके संयाेजक धोखे राना ।

अनलाइन होरी गित प्रतियोगिता २०७७ को पुरुषकार वितरण कार्यक्रम नयाँ बर्ष २०७८ बैषख ४ गते भकुन्डाक मेला ग्राउन्डमे एक कार्यक्रमके विचमे होबैगो कहिके बताइ हएँ आयोजक सचिब तिर्थराज राना । प्रतियोगितामे सहभागि और विजेता प्रतियोगि सबयनके बधाइ और धन्यवाद दइहएँ । बे कार्यक्रमके ताहिँ नअडवडानके फिर अनुरोध करीहएँ अभय किसानलोग गेहु काटनमे व्यस्त हएँ तहिकमारे कार्यक्रम पछेले हएँ बताइ सचिब राना ।