सेहरी गाउँमे खख्डेहरा पर्वमे विबिध कार्यक्रम करके मनाई

सेहरी गाउँमे खख्डेहरा पर्वमे विबिध कार्यक्रम करके मनाई

गोदावरी, २३ चैत ।
कैलालीक गोदावरी नगर पालिका वडा नं. ९ सेहरी गाउमे खख्डेहरा पर्व विबिध कार्यक्रम करके मनाई ।

सुदुरपश्मि प्रदेश सरकार रानाथारुक होरी पर्वके अन्तिम दिन खख्डेहरा पर्वमे विदा दइहए । होरी तिउहार रानाथारु समुदायको बडो पर्वके रुपमे मानत हए । ३८ दिन तक होरी पर्व मनात हए र होरीको अन्तिम दिनके रुपमे खख्डेहरा पर्व मनात हए ।

सेहरी गाउमे खख्डेहरा पर्वमे हटकना करके पर्व मनाइहएँ । हटकानामे नेपाली कंग्रेसके महाधिवेशन प्रतिनिधि डा. लक्ष्मीराज पाठक, क्षेत्रीय सभापति दिनेश राज जोशी , नगर सभापति हेम प्रकाश उप्रेती लगायत नेपाली कांग्रेसके दुई दर्जन नेता कार्यकर्तानको उपस्थिती रहए ।

डां लक्ष्मी राज पाठक खख्डेहरा पर्वके उपलक्ष्यमे सबय रानाथारु समुदायके दादाभैयनके शुभकामना दाइहएँ । कार्यक्रममे सबमिले होरी खेल्के होरीके अन्तिम विदाइ खख्डेहरा पर्व मनाइ हएँ । कार्यक्रम सेहरी गाउँके मोढी अमर सिंह राना संचालन करी रहएँ ।

सेयर कर दियो ।