सम्पुर्ण जनमानसमा रानाथारु डटकमको तर्फबाट विजय दशमी तथा शुभ दिपावलीको हार्दिक मंगलमय शुभकामना ।

होरी तिउहार अपने गाउमे सिमित हुइके सामान्य हिसाबसे मनान , नेरथास अध्यक्ष

होरी तिउहार अपने गाउमे सिमित हुइके सामान्य हिसाबसे मनान , नेरथास अध्यक्ष

काठमण्डाै , १६ चैत ।

साँस्कृतिक और सामाजिक महत्वसे भरिपुर्ण त्युहार होरी रानाथारु समुदायको एक सबे बडो त्युहार हए । कहिके नेपाल रानाथारू समाजके अध्यक्ष कृपाराम राना बताइ हएँ । जा पर्व एक महिना आठ दिन तक अमंग और उत्साहके साथ मनायँ, रानाथारु समुदायके गाउँमे होरीको डङका बाजत हूइहै , अपनी मौलिक पहिरन घुँघट ,हारसे सजिगजी दिदिबहिनियाँ और झगिया , फेटामे ददाभइया हँसन गान छमछम होरी खेलत हूइ हएँ ।

जा सुन्दर , पवित्र,उमंग , उत्साह, और हौसला,प्यार मित्रतापुर्ण होरीको टिका के दिनके पावन अवसर मे सबय रानाथारु जनसमुदाय और अन्य जनसमुदाय मे शु शान्ति और समृद्घि छानके ताँहि हार्दिक मंगलमय शुभकामना अर्पण करत हओ बताइहएँ ।


अाैर बे कहि हएँ नेपाल रानाथारु समाज केन्द्रिय कार्य समितिके आयोजनामे होरी मिलन कार्यक्रम जहे २१ गते शनिचरके दिन भव्य रुपमे सम्पन्न करनके ताँहि निर्णय भओरहए पर विश्वव्यापी कोभिड १९ कोरोना भाइरसके कारणसे नेपाल सरकार और स्थानिय प्रशासन से सभा सम्मेलन भेला समारोह कार्यक्रम करन बन्देज भवके कारण पुर्व निर्धारित होरी मिलन २०७७ कार्यक्रम स्थगन भव जानकारी देत स्वास्थ्य सुरक्षा सम्बन्धि आधारभुत मापदण्डके अपनयके अपने गाउमे सिमित हुइके सामान्य हिसाबसे होरी मनानके ताँहि हार्दिक अनुरोध करिहएँ ।अा