भारतमे एक २२ बर्षिय नेपाली महिलाके ब’ल’त’कार करके हत्या

भारतमे एक २२ बर्षिय नेपाली महिलाके ब’ल’त’कार करके हत्या

बेलाैरी,१२ चैत ।

कचनपुर, बेलौरी नगरपालिका ४ रिछाहा कि २२ बर्षिया लौडिया भारतमे रहस्यमय मृत्यु भओहए । व्याहि स्थानीय मोली रानाकी बैयार भागरती रानाक भारतमे रहस्यमय तरिकासे मृत्यु भओहए ।

जहे चैत ६ गते घरसे हरानी महिलाक १० गते साझँके मृत्युकी खबर सुननमिलो कहिके श्रीमान मोली राना बताइ । बो कहि श्रीमती हरानोक खबर ८ गते इलाका प्रहरी कार्यालय बेलौरीमे निवेदन दर्ता हएँ ।

इतय, प्रहरकीक अनुसन्धानके आधारमे भारत लखीमपुर जिल्ला, थाना सम्पुर्णानगर, ग्राम गोविन्दनगरको स्थानीय अन्दाजी ३० बर्षको विक्रम कुमार नामको व्यक्तिक भारतीय प्रहरीक नियन्त्रणमे हए कहिके जानकारी मिलहए ।


भारतीय नागरिक विक्रम कुमार औ मृतक भागरतीक कुछदिन पहिलेसे सम्पर्क रहए कहिके बतातहएँ कहिके घटनाक बारेम अनुसन्धान हुइरहोहए इलाका प्ररी कार्यालय बेलौरीक प्रहरी निरीक्षक कमल कुमार खड्का बताइ ।

मृतककको दौवा सुब्बा रानाक कहाइहए – “घटना कैसे घटो जक सत्य तथ्य छानबिन करके दोषी उपरकार्वाही होनपडो ।“ मृतककी श्रीमानकी कहाइहए घटनाक प्रकृति देखत हए त बलात्कार करके हत्या भौ जैसो दिखात हए ।

बो कहि मिर “श्रीमतीक क्रुरहत्या करनबालो अपराधीक कार्वाही होनपडो । “भारतीय नागरिक विक्रम कुमार , श्रीमतीक गरगहना लुट्के बलात्कार करेके हत्या करिहए कहिके बताइहएँ । बो कहि मिर “श्रीमती सोनेक तिलहरी, जन्तर,फुलिया औ कानमे कुन्डल दुई / तीन तोला तक गहना लगाएके गइहए ।

“ घटनाक खबर सुन्तय कि घटना स्थलमे पुगे हमर आफन्तनके भारतीय प्रहरी पोष्टमार्टम रिपोर्ट न आतयं जबरजस्ती शव बुझ्न दबाब दइ कहिके बताइ । भारतीय प्रहरीक दबाबमे आएके हमर आफन्त शव बुझेके नेपाल लयआइहएँ । इतय परिवार औ आफन्तकी कहाइहए घटनाक सत्य तथ्य छानबिन करके दोषी उपर कडासे कडा कार्वाहीक माग धरीहएँ । मृतकके एक लौडा औ एक लौडिया हए । रासस ।

विज्ञापन