पुनर्वास,२९ फागुन ।

रानाथारु समुदायको बडो तिउहार होरीके उपलक्ष्यमे अनलाइन होरी गित प्रतियोगिता –२०७७ पुनर्वासमे होनजएरहो हए ।

रानाथारु उत्थान समन्वय मञ्च पुनर्वास की आज नगर स्तरीय बैठक अध्यक्ष धोखे रानाके अध्यक्षतामे बैठक बैठी, बैठकको निर्णयसे जहे २०७७ चैत १ गते से १५ गते तक अनलाइन होरी गित प्रतियोगिता आयोजना होवैगो ।

रानाथारु समुदायको बडो तिउहार होरी पर्व के उल्लासमय रंगिन भाइचाराको सदभाव पर्वके रुपमे मनानके ताँही प्रतियोगिता धरोगओ हए ।

प्रतियोगितामे सबय महिला पुरुष सहभागि होनपामंगे , गित रानाथारु भाषामे होरीको भाखामे होन पडैगो । प्रतियोगि अपन गित रिकड करके रानाथारु डटकमको फेसबुक पेजमे अपलोड करन पडैगो ।

रानाथारु डटकमको फेसबुल पेजमे अपलोड करो गितके इकल्लो प्रतियोगितामे मन्यता होबैगो कहिके संस्थाके सचिब तिर्थराज राना जानकारी दैहएँ । औ बे जहु कहि जा प्रतियोगितामे फेसबुक पेचमे अपलोड भओ गितके ५० अंक लाइककरके औ ५० अंक निर्णायक मण्डलको निर्णायसे प्राप्ता अंक प्रतियोगिनके भविष्य लिखैगो बताइ हए ।

प्रतियोगितामे प्रथम,दृतिय औ तृतिय भए प्रतियोगिनके नगद पुरुस्कार औ प्रमाणपत्र से सम्मान करो जाबैगो बताइहएँ सचिब राना ।

रानाथरूक पेजमे अपलाेड करन ताँहि सम्पर्क नं. 9825622269

प्रतियाेगिताके बारेम थप जानकारीके ताँहि सम्पर्क नं. 9812702547