रानाथारू भाषाको पहिलो वेवसाइट
रानाथारू भाषाको पहिलो वेवसाइट
नरेश राना । लालझाडी,२७ फागुन ।
कञ्चनपुरकी लालझाडी गाउपालिका स्थित इटहा बाबा मन्दिर धार्मिक तथा संस्कृतिक मेला–२०७७ धुमधामसे निभटो हए ।
धार्मिक तथा संस्कृतिक पर्यटन विकास करन उद्देश्य लइके इटहा बाबा मन्दिर संरक्षण समिति महत्सबको आयोजना करीहए । कार्यक्रम समितके अध्यक्ष विरेन्द्र चौधरीके सभापतित्वमे भअाे रहए ।
कार्यक्रमके प्रमुख पहुना सुदुरपश्चिम प्रदेश सभासद माननिय तारालामा तामाङ समुदघाटन करिहएँ । ईटहा बाबा मन्दिर पुरातत्वविक सम्पदासे भरिपुर्णहए जक संरक्षण संबद्घनके संगय जक विकासकी आवश्यकहए । सुदुरपश्मि प्रदेश सरकार गत बर्ष धर्मशाला बनान ताँहि रकम विनियोजन करी औ आनबालो बर्षमे फिर ईटहाबाबा मन्दिरके विकासके ताँहि रकम विनियोजन होबैगो बताइ माननिय लामा ।
ऐसीकरके कार्यक्रमके विश्ष्टि अतिथी लालझाडी गाउपालिका अध्यक्ष मदनसेन बडायक उपाध्यक्ष सत्यदेवी महरा रहएँ कहेसे अन्य अतिथिमे पुर्व गा.वि.सा. अध्यक्ष तनुक लाल चौधरी लगायतको उपस्थित रहएँ । शिवरात्री पर्वके अवसरमे आयोजना भओ कार्यक्रममे श्रादालुभक्तजन मन्दिरमे पुजाआजा करके धुमधामसे मेला निभटो । कार्यक्रमके संचालन लक्ष्मण राना करिरहएँ ।
