ब्रम्ह्मा कुमारी ईश्वरीय विश्व विद्यालयद्धारा शिवरात्री महोत्सवको आयोजना

ब्रम्ह्मा कुमारी ईश्वरीय विश्व विद्यालयद्धारा शिवरात्री महोत्सवको आयोजना

धनगढी २४ फागुन
ब्रम्ह्मा कुमारी ईश्वरीय विश्व विद्यालय सुदूरपश्चिम क्षेत्रीय कार्यालय धनगढीले शिवरात्री पर्वको अवसरमा सप्ताह ब्यापी महाशिवरात्री महोत्सव मेला आयोजना गरेको छ ।
धनगढीको शान्ति बाल उद्यानमा महोत्सव मेलाको आयोजना गरिएको छ । महोत्सव मेलाको सुदूरपश्चिम प्रदेश सभाका सदस्य टेकबहादुर रैका र धनगढी उप–महानगरपालिकाका नगरप्रमुख नृपबहादुर वडले उद्घाटन गरेका थिए । सोही अवसरमा धनगढी उप–महानगरपालिकाका नगरप्रमुख वडले ज्योर्तिलिङ्ग अमरनाथ परमात्मा गुफाको उद्घाटन गरेका छन् ।
कार्यक्रममा बोल्दै सुदूरपश्चिम प्रदेश सभाका सदस्य टेकबहादुर रैकाले समाजलाई सत्मार्गमा डो¥याउनका लागि ब्रम्ह्मा कुमारी ईश्वरीय विश्व विद्यालयको आवश्यकता रहेको बताए । उनले आफुपनि ब्रम्ह्मा कुमारी ईश्वरीय विश्व विद्यालयमा आवद्ध रहेको बताए । धनगढी उप–महानगरपालिकाका नगरप्रमुख नृपबहादुर वडले ओम शान्तिबाट आफुले ईमान्दारीता, नैतिकता, अनुशासनको शिक्षा सिकेको बताए । ब्रम्ह्मा कुमारी ईश्वरीय विश्व विद्यालयको पूर्वाधार निर्माणका लागि डिपिआर तयार गर्न १० लाख रुपियाँ बिनियोजन गरेका छौं नगरप्रमुख वडले भने, ‘ शान्ति बाल उद्यान निर्माणका लागि ७ लाख रुपियाँ बिनियोजन गरेका थियौं । उप–महानगरपालिकाले सबै समाजिक संघसंस्था, धार्मिक संघसंस्थालाई समान प्राथमिकता दिने गरेको नगरप्रमुख वडले बताए ।
कार्यक्रममा धनगढी नगरपालिकाका पूर्व नगरप्रमुख खेमराज पाण्डेय, पूर्व स्वाथ्य निर्देशक परशुराम श्रेष्ठ, धनगढी उप–महानगरपालिका वडा नं २ का सदस्य रत्ना बिष्टले शुभकामना मन्तब्य राखेका थिए । कार्यक्रको अध्यक्षता ब्रम्ह्मा कुमारी ईश्वरीय विश्व विद्यालय सुदूरपश्चिम क्षेत्रीय कार्यालय धनगढीका संचालन हिरा दिदीले गरेकी थिईन भने कार्यक्रम संचालन हेमराज भण्डारीले गरेका थिए । कार्यक्रम चैत गते संचालन हुने छ ।

विज्ञापन