कोेरोना भाईरस बिरुद्धको खोप अभियान ,धनगढी उप–महानगरपालिकाले लगायो ५५ बर्ष माथिकालाई खोप

कोेरोना भाईरस बिरुद्धको खोप अभियान ,धनगढी उप–महानगरपालिकाले लगायो ५५ बर्ष माथिकालाई खोप

धनगढी, २४ फागुन
कोरोना विरुद्धको दोश्रो चरणको खोप अभियान अन्तर्गत धनगढी उप–महानगरपालिकाले ५५ बर्ष उमेर समुह भन्दा माथिका ब्यक्तिलाई खोप लगाउन सुरु गरेको छ ।
संघिय सरकारले ६५ बर्ष भन्दा माथिकोलाई खोप लगाउन आव्हान गरेपनि धनगढी उप–महानगरपालिकाले भने ५५ बर्ष माथी उमेर समुहका ब्यक्तिलाई खोप लगाउन सुरु गरेको हो । सुरु देखि नै संघीय सरकारले ५५ बर्ष माथी उमेर समुहका ब्यक्तिलाई कोरोना बिरुद्धको खोप लगाउन प्रचारप्रशार गरेर अन्तीम अवस्थामा ६५ बर्ष भन्दा माथीको उमेर समुहका ब्यक्तिलाई मात्र खोप लगाउन भन्यो नगरप्रमुख वडले भने, ‘ नागरिकहरुलाई सजिलो होस भनेर हामीले पूर्व प्रचारप्रशार अनुसार नै ५५ बर्ष उमेर समुहका ब्यक्तिलाई खोप लगाई रहेका छौं ।’
सरकारले नै नागरिकलाई अलमलमा पार्नु हुदैन भनेर धनगढी उप–महानगरपालिकाले ५५ बर्ष उमेर समुह माथीका ब्यक्तिलाई खोप लगाउन सुरु गरेको नगरप्रमुख वडले बताए । दोश्रो दिन सम्म ३ हजार ९ सय ७४ जनाले खोप लगाएका छन् ।
उप–महानगरपालिकाका ११ वटा केन्द्रमा खोप लगाईदैछ । प्रमुख नृपबहादुर वड लगायत जनप्रतिनीधि खोप केन्द्रमा आफै खटिएका छन् । सबै खोप केन्द्रमा पुगेर त्यहाँको अवस्था बुझ्ने काम गरेका छौं नगरप्रमुख वडले भने, ‘ हामीले अनुमान गरेको भन्दा पढीले पहिलो दिनमै खोप लगाएका छन् । ढुक्क भएर खोप लगाउन सबैलाई अनुरोध गर्दछौं

विज्ञापन