सिमापार अचेत आवस्थामे “लग्गाभग्गा ” रानाथारूगाउँ

सिमापार अचेत आवस्थामे “लग्गाभग्गा ” रानाथारूगाउँ

धनगढी,२० फागुन ।

कैलालीक धनगढी उपमहानगर पालिका वडा नं। १९ स्थित खेदा कटानके दखिन मोहना नदियाको पार छोटोसो रानाथारू गाउँ हए । हुन कि बस्ति अभय फिर अचेत आवस्थामे हए ।

निदयाके पार नेपाल कि सिमानाके किनारे सुन्दर बस्ति हए । रानाथारू बस्ति पहिले पानीके ढिंगै या तालके किनारेमे बैठत रहए । रानाथारू समुदायमे गाइया ,भैसीया बहुत पालत रहएँ तहिक मारे बस्तु भाउके चरानके ताँहि नदिया किनारे बस्ति बनाएके बैठात रहए ।

जहे क्रममे हिनपर बस्ति बैठि हए । पहिले जा ठाउँमे सिसौँको जंगल रहए तहिक मारे जा गाउको नाम सिसौडारी गाउ रहए पर पच्छु जा से लग्गा भग्गा किहके जानन लागे । हिनपर कैलाली जिल्ला औ कञ्चनपुर जिल्लाके बिभिन्न ठाउसे अाइके बैठेहए ।

भइयाँघाट , जुगेडा ,देवहरिया,अमरैया लगायत गाउके व्यक्ति करीब २४ रानाथारू परिवार बैठत हए । हिनपर बैठनबाले व्यक्ति कमैया अाै टहलुवा रहए दुसरेक घरमे काम करत रहए पर जब कमैया मुक्ति भइ तओ बे उतनो मतलब नाकरी तहिक मारे बे सरकारसे पानबालाे सुबिधा नपाइ ।

तओ बे सिमानके किनारेमे थोरी ठाउ देखि हुनपर बैठके खेतिपाती करन लागे ।उनकि कहाइ हए हम अपन नेपाल देशकि भुमिके रक्षा रकत हएँ पर हमके हमर देश सौताको व्यवहार करत हए । आनजान ताँहि डगरको व्यवस्था नाहए ,शिक्षा ,स्वास्थ्यसे लइके कोइचिजको व्यवस्था नाहए।

वडा कार्यालय उनके बसाइ सराइ तक ना देतहए कहिके बतात हए । अभय सरकार सुकुम्बासी समस्या समाधान आयोग स्थापना करीहए उनके चिन्ता हए कि अबखिर जग्गा मिलैगो कि ना कहिके दुबिधामे हए । बाँकि भिडियो मे भिडियो देखन ताँहि तरे क्लिक करियो……

भिडियाे देखके अपन प्रतिक्रिय देनके ताँहि कमेन्टबक्समे लिखन जिन भुलियाे ।

विज्ञापन