मृतक रानाको शव परिवारले बुझ्न मानेन

राजेश राना / धनगढी,१७ फागुन ।

कैलालीको गोदावरी नगरपालिका – ५ का शिवचरण( छोटो )रानाको शव परिवारले बुझ्न मानेका छैनन् । घटनामा संलग्नको पहिचान हुन नसकेको भन्दै शव बुझ्न नमानेका हुन् ।

उनको बिभत्स अवस्थामा शब भेटिएकोले रानाको हत्यामा संलग्नहरुको पहिचान गरेर कारवाहीको दायरामा ल्याउनुपर्ने माग राख्दै उनीहरुले शव नबुझेका अडान लिएका हुन् ।

सेती प्रादेशिक अस्पतालमा शव परीक्षण गरिएको भएपनि अहिलेसम्म परिवारले नबुझेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतीक बिष्टले बताए । घटनाको अनुसन्धानका र सोधपुछका लागि १२ जनालाई नियन्त्रणमा समेत लिईसकेको उनले बताए ।

गेटा आँखा अस्पताल अगाडि पसल सञ्चालन गर्दै आएका राना शनिबार बिहान गेटा मेडिकल कलेज नजिकै टाउकोमा धारिलो हतियार प्रहार गरेको अवस्थामा मृत फेला परेका थिए।