राष्ट्रिय जनगणना २०७८ बैशाष २५ बटा

राष्ट्रिय जनगणना २०७८ बैशाष २५ बटा

धनगढी,१२ फागुन ।

हरेक दश वर्षमे राज्य अपन देशको जनगणना करतहए । जहे क्रममे नेपालमे फिर जनगणना होन जाएरहो हए । राष्टिय जनगणना जहे बैशाष २५से असार ८ गते होन जएरहो हए । नेपालमे १३१ भाषा बोलन बाले भाषाभाषिकके लोग हए और रानाथारु लगाएत ६० जातके आदिवासी जनजातीके लोग बैठत आएरहे हए ।

नेपालमे सुदुरपश्चिम प्रदेशके कैलाली और कञ्चनपुर जिल्लामे इकल्लो बैठनबालो रानाथारु जात हए । नेपाल सरकार २०७६ माघ २० गतेक निर्णयसे रानाथारु जातके थारु जातीसे अलग रानाथारु जातीसुचिमे सुचिकृत करीहए ।

जा राष्टिय जनगणनामे रानाथारु जात पहिलो दप्फेर अलग जनगणनाके रुपमे गणना होन जाएरहोहए कहेसे जा राष्टिय जनगणनामे रानाथारु जातिके कैसे करके प्रभावकारी करमय कहन उद्देश्य लैके रानाथारु डटकम अपन तर्फसे पहल करन कोसिस करत आएरहो हए ।

जा राष्टिय जनगणनामे हमर गाउघरमे गणक और सुपरबेक्षक लोग आमंगे बे हमसे कैसो कैसो प्रश्न करंगे और हमके कैसो उत्तर देन हए जे सब बातके बारेम जानकारी देन उद्देश्य लयहएँ ।
जनगणनके बहुतसे प्रश्न साझा होमंगे पर कुछ प्रश्न जात अनुसार फरक होमंगे जैसे कि रानाथारुके हकमे तुम कौन जात के हौ ? तुमहर भाषा कौनसो हए ?

और तुमहर धर्म का हए ? तौ हम का कहामंगे जा के बारेम हमर गाउघरमे बैठनबाले ददाभइया , दिदीवहिनीय कैसे करके उत्तर देमंगे जे सब प्रश्न समेटके हमर रानाथारु डटकम कि टिम कैलाली औ कञ्चनपुर जिल्लामे बैठत आएरहे रानाथारुन कि बस्तीमे जाइके उनसे बातचित करेहएँ ।

जा बातचितको भिडियो अन्त तक देखदियो और सल्लाहसुझाबके ताँहि कमेन्टबक्समे कमेन्टकरन जिन भुलियो कहतय अभयके ताँहि भिडियो दखौ ……..

सेयर कर दियो ।
  •  
  •  
  •  
  •  
  •  
  •  
  •  

विज्ञापन