खटिमा , १८ जनवरी

जनवरी २१औ २२के उत्तरा खण्ड,खटिमा भारतमे प्रथम थारु कलाकार सम्मान समारोह २०२१ कि पुरीतयारि सम्पन भइहए।

कार्यक्रम थारु संस्कृतिक संगठन खटिमाके आयोजनामे थारु बिकास भवन खटिमा मे भव्यकार्यक्रम होनजायरहो हए , थारु संस्कृतिक संगठनके अध्यक्ष बन्टी राना जानकारी दइहए ।
कार्यक्रम धनरको खास उद्देश्य थारुनकि लुकिभइ लोक लोकसंस्कृतिके उजागर करन और अपन गावमे संस्कृतिके जिवनत करके बचातचले आएरहे कलाकारनके हाैसला प्रदान करन जा सम्मान कार्यक्रम धरोगओ हए बताई ।

और ऐसिकरके बे कहि जा कार्यक्रम ४०० जनि कलाकारनके ट्रफि दइके सम्मान करोजबैगो । जा कार्यक्रम पहिलो दप्फेर आयोजना होन जाएरहोहए , कार्यक्रममे उत्तरा खण्ड भारतके प्रत्येक गावसे ४।४ जनी कलाकार मात्र समाबेस होनपामंगे कहिके जानकारी दइहएँ ।
कार्यक्रम सफल बनान ताँहि सबय कलाकार ददाभइय और दिदीबहिनयाँ लगायत सबय गावबस्तिके उपस्थितके ताँहि हार्दिक अनुरोध फिर करिरहए अध्यक्ष राना ।