नरेश राना,लालझाडी,५ माघ ।
कञ्चनपुरको लालझाडी गाउपालिकामे “रुख रोपौ वन जोगाऊ” कनबालो मुलनाराके साथ बैजनाथ सामुदायिक वन उपभोगता समुहको ८औ बार्षिक सधारण सभा निभटो हए ।

कार्यक्रम समुहकि अध्यक्ष श्री हिरा रानाके सभापतित्वमे सोमबारके दिन एक कार्यक्रमके विच निभटो हए । कार्यक्रमके प्रमुख अतिथी लालझाडी गाउपालिका वडा नं. २ के वडा अध्यक्ष श्री हेमराज राना रहएँ । कार्यक्रममे वडा अध्यक्ष राना कहिँ “सामुदायिक वन हमर सबकि साझा सम्पती हए जाके सब मिलके बचान हमर सबको कर्तव्यहए र जा सम्पतिके हमर जन्मसे लैके मृत्यु तक आवश्क कामके ताँहि प्रयोग करत आतहए तौ काहे ना लागए सब जनि बचान बताइ ।”

ऐसिकरके कार्यक्रमके विशिष्ट अतिथिमे अशोक सामुदायिक वन उपभोगता समुहककी अध्यक्ष शारदा राना रहए । औ कार्यक्रमके स्वागतमन्तव्य समुहकी सहसचिब नारायण राना करिरहएँ कहेसे कार्यक्रममे आ.ब. २०७६।०७७ सालको आय–व्याय समुहके कोषाध्यक्ष गणेश राना प्रस्तुत करिरहए । समुहको रु ७ लाख २३ हजार ४ सय ५८ बराबरको हिसाबकिताब सुनाइरहएँ ।

कार्यक्रममे कमजोर आर्थिक आवस्था भए परिवारनको सामुदायक वनसे उनके बच्चनके पढन,लिखनके ताँहि कलम,कापी सहयोग करिहएँ । कार्यक्रम संचालन समुहके उपभोगता सदस्य सोमनाथ राना करिरहएँ ।