धनगढी,४ माघ ।

कैलाली बहुमुखी क्याम्पस सुदूरपश्चिम विश्वविद्यालयकी आंगिक क्याम्पसके रुपमे समायोजन भइहए।
पहिले त्रिभुवन विश्व विद्यालयक आंगिक क्याम्पसके रुपमे संचालन होतआइ रहए । अब कैलाली बहुमुखी क्याम्पस सुदूरपश्चिम विश्व विद्यालयकी आंगिक क्याम्पसके रुपमे समायोजन भइहए । सुदूरपश्चिमाञ्चल विश्वविद्यालयके उपकुलपति डा. अम्मराज जोशी, राजिष्टार डा. गोविन्दसिंह विष्ट औ कैलाली बहुमुखी क्याम्पस सञ्चालन समितिके अध्यक्ष सुर्यबहादुर थापा, उपाध्यक्ष धनगढी उपमहानगरपालिके मेयर नृप वड, समायोजन कार्य दल संयोजक औ पूर्व अध्यक्ष घनबहादुर शाह , क्याम्पस प्रमुख डा. पदमराज जोशी बिच सम्झौता पत्रमे हस्ताक्षर करिहएँ ।
२०७७ पुस ३ गते सुदूरपश्चिम विश्व विद्यालयको भरखर आठौं साधारण सभासे स्वीकृत भओअनुुसार कैलाली बहुमुखी क्याम्पसके सुदूरपश्चिमकी आंगिक क्याम्पस बनानके निर्णय भओहए ।
सुदुरपश्चिमाञ्चल विश्व विद्यालयकी पहिलो सभासे २०७० भदौँ ३० गते कैलाली बहुमुखी क्याम्पसके अपन आंगिक क्याम्पस बनानके निर्णय करिरहए । पर कैलाली बहुमुखी क्याम्पस पहिलेसे हि समायोजनके ताँहि बहुतमेलकी माग धरनसे औरफिर कारणसे दुनो बिच समायोजन नायहुपाइरहए ।