माघ १ गते सार्वजनिक बिदा,थारू समुदायसे ३ दिन बिदा माग

माघ १ गते सार्वजनिक बिदा,थारू समुदायसे ३ दिन बिदा माग

धनगढी, २६ पुस । सरकार माघ १ गते सार्वजनिक बिदा देनके निर्णय करिहए । इतबारके राेज मन्त्रिपरिषद् बैठकसे माघके अवसरमे बिदा देन निर्णय करिहए । माघ १ गते माघे संक्रान्ति पडन्से सरकारसे हरेक बरस माघ १ गते सार्वजनिक विदा देत आएरहाे हए । जा दिन थारु समुदायकाे नयाँ बरस औ बडाे तिउहारके रूपमे माननसे माघमे कम्तीमे ३ दिन सार्वजनिक विदा देनके माग करिहएँ । थरुहट थारुवान राष्ट्रिय मोर्चा कैलाली जिल्ला संयोजक तथा थाकस कैलालीक उपसभापति माधव चौधरी माघमे कम्तीमे ३ दिन सार्वजनिक विदाकी माग करिहएँ। माघ थारु समुदायक नयाँ बरस एवं बडाे तिउहार हाेनसे पुस महिनक अन्तिम दिन, माघ १ औ २ गते सार्वजनिक विदा देन पडाे कहिके माग करिहएँ । सुदूरपश्चिम प्रदेश सरकारसे थारु समुदायके मुख्य तिउहार माघ औ बिनाइतबार के एकएक दिन सार्वजनिक विदा देन निर्णय करिहए। थारु कल्याणकारिणीसभा सहित थारूवनके संघ संस्थासे थारुनके मुख्य तिउहारमे सरकारसे सार्वजनिक विदा देन पडाे कहिके माग पहिलेसे करतआएरहे रहएँ । जासे पहिले थारु समुदाय सुदूरपश्चिम प्रदेशमे अटवारीमे सार्वजनिक बिदा नायपाइरहएँ । तहु फिर थारु समुदायसे केन्द्रीय स्तरमे अटवारी औ माघमे बिदाके माग करत आएरहे हए बताइ ।

विज्ञापन