रानाथारू भाषाको पहिलो वेवसाइट
रानाथारू भाषाको पहिलो वेवसाइट
राममिलन राना/ धनगढी,२० अगहन ।
कैलालीक, धनगढी उपमहानगर पालिका वडा नं. १५ स्थित कालिका सामुदायिक वनको सातौँ बार्षिक सधारणसभा निभटो हए ।
सनिचरके रोज एक कार्यक्रमके विच धनगढी उपमहानगर पालिकाके वडा अध्यक्ष फुलराम चौधरीके प्रमुख अतिथ्येमे निभटो हए । कायक्रम सभाके सम्बोधन करत वडा अध्यक्ष कहि “ सब उपभोक्ता मिलके बन संरक्षण संबद्धनमे जोड देनपडो बताइरहएँ । हमर पहिलो सम्पति कहेक बन हए मर्दापर्दा हरेक बेरा आवश्यक बस्तु वनजंगलमे मिलत हए तहिक मारे जक बचान बहुत जरुरी हए औ वडाकार्यालयसे होनबालो सहयोगके ताँहि मय हरदम सबके साथ हौ बताइ वडा अध्यक्ष चौधरी ।”
कार्यक्रमके विश्ष्टिपहुना सबडिभिजन कार्यालय फुलबारीके फरेष्ट दिपक कुमार चौधरी लगायत गाउके बुद्घिजिवी समाजसेवी कार्यक्रमक शुभकामना दइरहएँ ।
गत आब २०७६।७७ सालको रु ७ लाख १६ हजार ९सय ९।६६ बराबरको आयव्याय औ जा आर्थिक वर्ष २०७७।७८ सालको रु ८लाख ६२ हजार ८सय बरावरको अनुमानित आयव्याय कार्यालय सचिब रामसिंह राना प्रस्तुत करिरहए ।
कार्यक्रम सामुदायिक वनके अध्यक्ष सिता रानाके सभापतित्वमे भओ रहए कहेसे संचालन राष्ट्रिय आधारभुत विद्यालय – १५के शिक्षक रामसिंह चौधरी करिरहएँ । कार्यक्रममे उपभोगतानको उपस्थित रहए ।
