घोडाघोडीमे १५ शैय्याक नगर अस्पतालकी शिलान्यास

घोडाघोडीमे १५ शैय्याक नगर अस्पतालकी शिलान्यास

सुखड, १५ अगहन । कैलालीक घोडाघोडीमे १५ शैय्याक नगर अस्पतालकी शिलान्यास भओ हए । वडा नम्बर २ मे साँडेपानी स्वास्थ्य चौकीक जग्गामे घोडाघोडी नगर अस्पतालकी शिलान्यास करिहएँ ।
सोमबार देशभरिमे ३ सय ९६ स्थानीय तहमे एक दप्फेरमे अस्पताल शिलान्यास करन कार्यक्रम अन्तरगत घोडाघोडीमे फिर १५ शैय्याक नगर अस्पतालकी शिलान्यास भओ हए । कैलाली क्षेत्र नम्बर ३ के प्रतिनिधिसभा सदस्य गौरी शंकर चौधरी, सुदूरपश्चिम प्रदेशके सांसद अमर साउँद, घोडाघोडी नगरपालिकाके नगर प्रमुख ममता प्रसाद चौधरी, उपप्रमुख प्रेम कुमारी थापा एकय संग इँट धरके नगर अस्पतालकी शिलान्यास करिहएँ।
नगर अस्पताल शिलान्यास से जा क्षेत्रके जनता खुसी भएहएँ । ग्रामीण क्षेत्रमे प्राथमिक स्वास्थ्य सेवा विस्तार करन उद्देश्यसहित संघीय सरकार कैलालीक ५ सहित सुदूरपश्चिम प्रदेशभर ५४ आधारभूत अस्पतालकी शिलान्यास भैहएँ ।
घोडाघोडीमे साँडेपानी स्वास्थ्य चौकी, लम्कीचुहा नगरपालिकामे चुहा स्वास्थ्य चौकी, बर्दगोरिया गाउँपालिकामे दोदोधारा स्वास्थ्य चौकी, गौरीगंगा नगरपालिकामे चौमाला प्राथमिक केन्द्र औमोहन्याल गाउँपालिकामे १० शैय्याक सुगरखाल स्वास्थ्य चौकीकी शिलान्यास भओ हए । नेपाल सरकारसे देशभरिमे सबय स्थानीय तहमे ५, १० औ १५ शैय्याकी अस्पताल निर्माणके ताँहि बजेट विनियोजन हुइगाैहए ।

विज्ञापन