धनगढी,८ अगहन ।

धनगढी उप–महानगरपालिका शिक्षा यूवा तथा खेलकुद महाशाखा प्रमुख बिष्णु प्रसाद कोईरालाक सुम्मारके रोज बिदाबारी भइहए ।

कोईराला धनगढी उप–महानगरपालिकासे सरुवा हुइके स्याङ्जा जिल्लाक भिरकोट नगरपालिकामे जाएरहे हएँ । उप–सचिव तहके कोईराला १८ महिना धनगढी उप–महानगरपालिका शिक्षा यूवा तथा खेलकुद महाशाखा समहरत आएरहे रहएँ ।

बिदाई कार्यक्रममे मस्कत धनगढी उप–महानगरपालिकाकी उप–प्रमुख सुशीला मिश्र भट्ट कहि बिष्णु प्रसाद कोईरालाक काम करन तरीका बढिया रहए उप–महानगरपालिकाके ताँहि अस्मरणिय रहबैगो बताइहएँ । उप–प्रमुख भट्टकहि शिक्षा यूवा तथा खेलकुद महाशाखा कोईरालाक आनबारो कार्यकाल सफलताको शुभकामना दइरहएँ ।

धनगढी उप–महानगरपालिकाक प्रमुख प्रशासकिय अधिकृत जगन्नाथ पन्त कहि शिक्षा यूवा तथा खेलकुद महाशाखा कोईराला बहुत अनुभवि, अनुशासित औ कर्तब्यनिष्ठ कर्मचारी रहएँ बताइ । बे अपन घर ढिंगै सरुवा हुइके जाएरहे हएँ प्रमुख प्रशासकिय अधिकृत पन्त कहि, ुउनको कार्यकाल सफल रहबए शुभकामना दइरहएँ ।
शिक्षा यूवा तथा खेलकुद महाशाखा प्रमुख कोईराला कहि धनगढी उप–महानगरपालिकाक सुझबुझ नेतृत्व औ कर्मचारीनकोे सहयोगसे काम करन सहज भओ बताइरहएँ । बे कहि मय हिनपर बहुत बढियासे काम सिखनको मौका पाओ बताइ । बिदाई कार्यक्रमके संचालन शिक्षा अधिकृत महादेव जोशी करिरहएँ ।