लालझाडिमे दुसरी पार्टी छाेडके ५० से जद्धि नेकपामे प्रवेश

लालझाडिमे दुसरी पार्टी छाेडके ५० से जद्धि नेकपामे प्रवेश

नरेश राना , लालझाडी २ अगहन ।

कञ्चनपुरको लालझाडी गाउपालिकामे दुसरी पार्टी परित्याग करके ५० जनी नेपाल कम्युनिस्ट पार्टी ( नेकपा)मे प्रबेश करीहएँ । शुभ दिपावली औ छठ पर्वको अवसरमे लालझाडि गाउपालिका ३ औ ४ के विच गाउमे नकपासे आयोजना भओ शुभकामना आदानप्रदान कार्यक्रममे नेपाली काँग्रेस,राजपा औ राप्रपा पार्टी परित्याग करके ५० जनी नेकपामे प्रवेश करीहएँ ।
नकपामे प्रवेश करनवाले व्यक्तिनके अविर संग खादा ओढाइरहए नेकपा कञ्चनपुर जिल्ला अध्यक्ष वीर बहादुर थापा ( पातल) नेकपा कञ्चनपुरके जिल्ला सचिब और प्रदेश सभा सदस्य तारालामा तामाङ , नेकपा लालझाडी -३के वडा अध्यक्ष छेकलाल राना नेकपा जिल्ला कमिटी सदस्य आर.पी.सार्की, कार्यकर्ता भक्ता राना , गाउँ इकाइ कमिटिके अध्यक्ष ओम प्रकाश राना , सचिव निर्मल राना और लालझाडि – ४ के वडा अध्यक्ष बहादुर राना लगाय कार्यकर्ता उनके पार्टीमे स्वागत करीरहएँ ।
स्वागत करत नेकपा कञ्चनपुर जिल्ला अध्यक्ष थापा कहि १० बर्षे जनयुद्घ करके नेकपा नेपालसे राजतन्त्रकी अन्त्य करके प्रजातन्त्र लानमे बहुत बडो संर्घष औ बलिदान करिहए बताइ । अभय फिर देश औ जनताके हितके ताँहि नेकपा संर्घषमे हए कहिके जिकिर करिहए । पार्टी प्रवेश करानमे स्वतन्त्र माध्यमिक विद्यालय लालझाडि ४ , पर्सियके विद्यालय व्यवस्थापन समितिके अध्यक्ष तथा नेपाली काँग्रेसके कार्यकर्ता लोकराज राना नेतृत्व करेरहएँ ।

विज्ञापन