नरेश राना,लालझाडी , ५ कातिक ।
कञ्चनपुर , लालझाडी गाउपालिमे शुभकामना अदनप्रदान कार्यक्रम निभटो । कार्यक्रम सामुदायिक सःमिल तथा फर्निचर उद्योगके आयोजनामे भवरहए । शुभकामना कार्यक्रमके प्रमुख पहुना लालझाडी गाउपालिकाके अध्यक्ष मदनसेन वडायक रहएँ । ”वन संरक्षरणमे मिर जित्तो हुइसिकैगो उत्तो सहयोग होवैगो और सामुदायिक वनमे फिर समयमे साधारण सभा करनपडो कहिके बताइ रहएँ अध्यक्ष वडायक ।”

कार्यक्रमके विशिष्ट पहुना NNSWA के प्रतिनिधि रोसन चाधरी , वन रक्षक राजेश चौधरी ,और शंकरपुर इ.प्र.का.प्रमुख तिलक बहादुर सिह लगायत पहुना हिनदुनको महान पर्व विजय दशमि तथा तिउहारको शुभकामना दइरहएँ ।कार्यक्रममे आसपासके सामुदायक वनके प्रतिनिधि उपस्थित रहएँ ।
कार्यक्रम लालझाडि समिलके अध्यक्ष अमर सिंह रानाके सभापतित्वमे भओ रहए । कहेसे कार्यक्रममे स्वागतमन्तव्य द्रोपती बोहरा दैरहएँ और कायक्रमके संचालन संस्थाके सचिब तेजराज तिरुवा करिरहएँ ।