रानाथारु सामुदायक भवन उदघाटन

रानाथारु सामुदायक भवन उदघाटन

धनगढी,५ सावन ।

कैलाली, धनगढी उपमहानगरपालिका वडा नम्बर ८ स्थित धनगढी गाउँमे रानाथारु सामुदायिक भवनको उदघाटन भवहए । नवनिर्मित भवनमे संघीय सरकारको सात लाख और प्रदेश सरकारको १५ लाख करके २२ लाख रुपैयाको लागतमे सामुदायिक भवनको उदघाटन सभामे प्रदेशसभा सदस्य मालामति राना बताइरहएँ । बे कार्यक्रमकी खास पहुना रहएँ ।

कार्यक्रममे माननिय राना कहि आब गाउघरमे घर आँगन छोटे छोटे बननलगे हए तहिकमारे‘गाउँ समुदामे घरी घरी बैठक, मुद्दा मामिला छलफलकरनके अलगसे सामुदायिक भवन नहोनसे बहुत दुखभोगे बताइ प्रदेशसभा सदस्य राना अब अलगसे सामुदायिक भवन बननसे बैठक, कचेहरी, मुद्दा मामिलाके ताँहि छलफल करन सहाज भओहए । रानाथारु समुदायिक भवनके सांस्कृकित कार्यक्रम तथा कार्यक्रम चलानके ताँहि भाडामे समेत दएसिकए बताइ ।

धनगढी उपमहानगरपालिका वडा नम्बर ८ के वडा अध्यक्ष नारायण प्रसाद बराल रानाथारु सामुदायिक भवन बनान बहुत सह्रनिय काम भओ बताइ । एक तल्ला बनो सामुदायिक भवन अभए निर्माणाधिन अवस्थामे हए आनबालो आर्थिक बर्षमे वडा कार्यालयसे बजेट विनियोजन करन प्रतिवद्धता जनइहए । जा सामुदायिक भवन वडा नम्बर ८ मे होन्से जक संरक्षण सम्बरदन करन सब वडाबासीनको दात्यि हए बताइ ।

गओ आर्थिक बर्षमे धनगढी वडा नम्बर ८ मे सबय वडासे जाद्घि बजेट पडोरहए। हिनक विकासमे सवके सहयोग करन अध्यक्ष बराल आग्रह करीरहए ।रानाथारु सामुदायिक भवन उदघाटन कार्यक्रममे वडा सदय रामस्वरुप राना, पूर्व वडा अध्यक्ष लालमणि राना, धनगढी माविके पूर्व विद्यालय व्यवस्थापन समिति अध्यक्ष शिवराज राना, पूर्व भल्मन्सा सन्तराम राना, रानाथारु समाजके केन्द्रीय कोषाध्यक्ष कन्दकला राना लगायत मन्तव्य व्यक्त करीरहए ।

रानाथारु सामुदायिक भवन उदघाटन कार्यक्रम धनगढी गाउँके भल्मन्सा भज्जी रानाके अध्यक्षतामे भओरहए कहेसे राना थारु सामुदायिक भवन मर्मत उपभोक्ता समितिके अध्यक्ष प्यारेलाल राना स्वागत मन्तव्य तथा भवन निर्माणबारे जानकारी दइरहएँ । कार्यक्रमके संचालन गोविन्दराज राना करीरहए । नवनिर्मित भवनके ताँहि आव २०७७।७८ मे प्रदेश सरकारकी लालकितावमे थप १० लाख रुपियाके बजेट विनियोजना करोगओ हए ।

सेयर कर दियो ।
  •  
  •  
  •  
  •  
  •  
  •  
  •  

विज्ञापन