लकडाउनसे जा साल गंगा दशेहरा मेला नाए बैठपाई ।

लकडाउनसे जा साल गंगा दशेहरा मेला नाए बैठपाई ।

कञ्चनपुर, १९ जेठ । हिन्दु परम्परा अनुसार गंगा दसेहराको एक अलग्गए महत्त्व हए । खासमे कैलाली कंचनपुरमे जा तिथि एक परभि हानी मानोजात हए त कोइ मेलाके रुपमे सम्झत हएँ पर जा साल कोरोनाको लकडाउनके मारे मेला ना बैठके सुनसान हए ।

कैलालीको सब्से बडो धार्मिक तिर्थस्थल बेहडा बाबा औ कंचनपुरको नकटाबाबा मन्दिरमे आजको दिन भारत नेपालके तमान ठाउँसे श्रद्धालु भक्तजनको भिडभाड से भरो मेला लगो करत रहए पर जा साल कोरोनाके मारे मेला ना लगो हए ।

बेहणा बाबा मन्दिर

मेला ना लगेस फिर आज सबेरेस आसपासके गाउँसे तमान श्रद्धालु पुजापाठ करन मन्दिरमे आए कहिके जानकारी मिलि हए उनके ताहिं मन्दिर औ मेला ब्यबस्थापन से समाजिक दुरि बनाएके पुजा करन ब्यबस्था मिलाओगओ  हए औ सेनिटाइजर, साबुन पानीसे हात धोनको ब्यबस्था फिर करोगओ कहिके मेला ब्यबस्थापन समिती, कालेश्वर मन्दिर(नकटाबाबा)के अध्यक्ष बिश्राम रानासे जानकारी मिलो हए ।

ऐसिए बेहडा बाबा मन्दिरमे फिर यातायात बन्द होनोसे दुरके यात्री ना आए हए पर आसपासके गाउँके श्रद्धालु  सबेरेस पुजापाठ कर रहे कहिके जानकारी मिलि हए ।सालक ६-७ दिनले धुमधाम से लगन बाले मेलामे लाखौं दर्शक, श्रद्धालु आएके करोडौंको कारोबार होनिया जे दुने मेला जा साल गंगा दशेहरा सुनसान हए ।

विज्ञापन