धनगढी, ६ जेठ ।

विश्व कोरोना रोगकि महामारीके कारणसे आक्रान्त हए, जासे लडनको प्रभावकारी माध्यम नेपाल सरकारसे घोषित लकडाउन बढतए जाए रहो हए, जाके पालन करन , सामाजिक दुरी कायम करन बाहेक हमर ठिन उपाय नाए हए । तबही पहिले हानी एक और प्रतियोगिताके परिकल्पना करे हएँ। घरे बैठे बैठे अपन इतिहास, संस्कृति, रितिरिवाज पहिचान, संरक्षण सम्बर्धन और अपनो ऐतिहासिक, सांस्कृतिक, जैविक विविधता और प्रतिभाके मौलिकताके सङ्ग उजागर/अन्वेषण/उत्खनन करन उद्देश्यके साथ एवम् “अपनी धरती चिनएँ, और सांस्कृतिक जैविक विबिधताके सम्मान करएँ” को मुल नाराके साथ ‘रानाथारु आदर्श युवा क्लव’, ‘Ranatharu.com‘ और ‘Rana Culture in Kanchanpur&Kailali’ Facebook Page  कि संयुक्त आयोजनामे Online ” रानाथारु फोटो तथा विषयबस्तुमे आधारित ( Theme Based) शब्दकोष  प्रतियोगिता ” घोषणा करत हएँ । दोनो बिधा “फोटो” और ” रानाथारु विषयबस्तुमे आधारित (Theme Based) शब्दकोष” प्रतियोगिता ‘Ranatharu.com‘ और ‘Rana Culture in Kanchanpur&Kailali’ Facebook Page  कि माध्यमसे होन कि जानकारी दइ हए कार्यक्रम संयाेजक कमल सिंह राना।

Online  रानाथारु फोटो प्रतियोगिता पुरुस्कार सम्बन्धि नियम/ बिधि/ के बारेम जानकारी दइहएँ

• प्रतियोगी रानाथारु संस्कृति, इतिहास, रितिरिवाज, पेशा, समुदायसे जुड़े चिजको नावँ सहितको फोटो (उदाहरण : रानाथारुके घर, लढिया, चुल्हि, किताबकी फोटो,  पुराने लिखे लिपि , ठाठी, धिमरी, बाजागाजाके समान अइसि रानाथारु इतिहाससे जुड़े चिजके ढुढ ढुढके फोटो खिचके) ‘Rana Culture in Kanchanpur&Kailali’ और ‘Ranatharu.com‘ Facebook Page कि  Inbox मे अपन नावँ, ठेगाना, मोबाइल वा सम्पर्क नम्बर सहित पठाए सकत हएँ ।
• तुमर पठाए भए फोटो उपरके दोनो फेसबुक पेजमे अपलोड होबैगो ।
• हरेक हप्तामे बिजेताके पुरुस्कार मिलैगो । फोटोमे आए like के ५०% और जजमेन्ट ५० % के आधारमे पहिलो, दुसरो विजेता घोषणा होबैगो ।
• आयोजकसे नियुक्त जजकि माध्यमसे जजमेन्ट होबैगो ।
• तुमर पठाए भए फोटोको जजमेन्ट ४ स्तर (Grade) मे होबैगो A,B,C और D
• रानाथारुसे जुड़े एक दम दुर्लभ, पौराणिक, ऐतिहासिकताके आधारमे फोटोके A,B,C और D ग्रेडिंग करो जाबैगो, और ग्रेड अनुसार अंक point मिलैगो । तबही पुरानेसे पुराने चिजकि फोटो पठान प्रोत्साहन करत हएँ ।   
• फोटोमे प्राप्त Grade सार्बजनिक नाए होबैगो ।
• हरेक हप्ता पाछु पहिलो विजेताके रु ३०० और दुसरोके रु २०० को रिचार्ज दओ जाबैगो।
• प्रतियोगिता अवधि भरके उत्कृष्ट २० फोटोके रानाथारु संस्कृतिसे जुडी किताबमे प्रकाशित करो जाबैगो ।
• रानाथारु समुदाय सहित और समुदायके कोइ फिर ब्यक्ति  और देश विदेश से फिर जा प्रतियोगितामे भाग लइ सकत हएँ ।
• पठाओ भओ फोटो ‘Rana Culture in Kanchanpur&Kailali’ Facebook  और Ranatharu.com Page मे Upload करो जाबैगो । हरेक प्रतियोगी जे page के Like करन अनिवार्य हए ।
• Internet , Facebook वा और कहुँसे कपि (Copy) करो भओ फोटो मान्य ना हुइ हए ।
• फोटोकी Copy Right प्रतियोगी और आयोजक संयुक्त रुपमे सुरक्षित हुइ हए ।
• Water Mark, Copy Right Mark, Text/ Graphics  जैसे चिज भए फोटो मान्य ना हुइ हए । नकारात्मक सन्देश देन बालो चित्र Upload  ना हुइ हए ।
• एक ब्यक्ति २ फोटो तक Upload कर सकत हएँ पर दुइ मैसे एक जौन कि जाधा पोइन्ट हए बाको गणना होबैगो ।
• नेपाल बाहेरको बिजेताके उनके नातेदार मार्फत पुरुस्कार लइ सकत हएँ, वा लकडाउन पाछु उनके कोइ तरिकासे पुरुस्कारको व्यवस्था करो जाबैगो ।
• आवश्यकताके आधारमे बीचमे उप नियम फिर थप हुइ सकत हएँ ।

अइसी करके Online “रानाथारु विषयबस्तुमे आधारित (Theme Based) शब्दकोष” प्रतियोगिता सम्बन्धि नियम / बिधि के बारेम कार्यक्रम सह संयाेज दिनेश राना बताइ हए ।

• जा प्रतियोगितामे प्रतियोगीके आयोजकसे दओ भओ विषय बस्तुसे सम्बन्धित (Theme Based) जाधासे जाधा रानाथारुमे शब्द संकलन करके ‘Rana Culture in Kanchanpur&Kailali’ और ‘Ranatharu.com‘ Facebook Page कि  Inbox मे अपन नावँ, ठेगाना, मोबाइल वा सम्पर्क नम्बर सहित पठाए सकत हएँ । (उदाहरणके ताही – मछरीकि प्रजातिकि सुची: भुरिया, चुलंगा, रोहु , लचिया आदि,  अइसी  चिरैँयाकि नावँकि सुची : गरगैँया, कौवा, घुर घुचिया आदि )
• शब्दनके पन्नामे लिखके फोटो खिचके वा टाइप करके पठाए सकत हएँ ।
• हरेक हप्तामे संकलित शब्द संख्याके आधारमे पहिलो और दुसरो बिजेता घोषणा करो जाबैगो । जौन सबसे जाधा शब्द संकलन करैगो क्रमशः पहिलो और दुसरो होबैगो ।
• प्रतियोगिनसे एक हप्तामे ५ विषय बस्तुकि अलग अलग सुची बनान कहो जाबैगो।
• एक प्रतियोगी दुइ विषय बस्तुकि सुची पठाए सकत हएँ पर जौंनको पोइन्ट जाधा होबैगो बहेको गणना होबैगो ।
• जा हप्ताकि विषय बस्तु हएँ (क) रानाथारु भाषामे चिरइ चिरगुनीके नावँकि सुची (ख)रानाथारु फलफुलकि नावँ (ग) रानाथारु भाषामे घरपालुवा/बन्यजन्तुको नावँ (घ) रानाथारु भाषामे रानाथारु खानिया/पिनिया चिजको नावँ (ङ) रानाथारुमे बनस्पतीको नावँ (जंगलीसे लैके सबए)      
• हरेक हप्ता पाछु फरक फरक विषयबस्तुके शब्द संकलनको मौका मिलैगो ।
• हरेक हप्ता पाछु हरेक विषयबस्तुको पहिलो विजेताके रु २०० और दुसरोके रु १०० को रिचार्ज दओ जाबैगो। ऐसे, हरेक हप्तामे पहिलो, दुसरो करके १० जनी पुरस्कृत होमंगे ।  
• प्रतियोगिता अवधि भर पहिलो, दुसरो भए विषय बस्तु सहित शब्द सुचीके रानाथारु संस्कृतिसे जुडी किताबमे प्रकाशित करो जाबैगो ।
• नेपाल बाहेरको बिजेताके उनके नातेदार मार्फत पुरुस्कार लइ सकत हएँ, वा लकडाउन पाछु उनके कोइ तरिकासे पुरुस्कारको व्यवस्था करो जाबैगो ।
• आवश्यकताके आधारमे बीचमे उप नियम फिर थप हुइ सकत हएँ ।

कोइ बात ना समझनसे वा थप जानकारीके ताही सम्पर्क करएँ

मोबाइल नं. दिनेश राना : 9841317691, कमल राना : 9843703819, नारायन राना: 9848493376  वा फेसबुक पेजकि inbox मे मेसेज कर सकत हएँ ।